●Ndwen 5 ngoenz 10, Lingzyinz Yen Yinggizban daiqdaeuz cujciz yen minz- cwng、yinzfangz、anhgenh、lijyouz、siuhfangz daengj bouhmonz guh aen hozdung senhconz fuengzcai gemjcai, aen cawjdaez dwg “daezsang gij naengzlig fuengzceih caihaih, hwnjguh diuz fuengzsienq sengmingh ancienz”, hozdung yinx ndaej haujlai vunz bae humx yawj, soundaej gij senhconz yaugoj ndei.

(Du Meijhing)

●Mboengqneix, Loz- cwngz Mulaujcuz Swciyen banh aen hoihfwen dwkcawz bangvunz simnduk nem aen vanjvei yienjheiq gij hoz- dung ndwen senhconz minz- cuz doxgiet. Vanjvei yienh- ciengz, diuqfoux、caijdiu、heiq daengj cezmuz doxlwnz hwnj daiz yienj, gangjok gij cingz vunzlai dangdieg ndiepgyaez guekcoj、doxgiet doxgyaez, cauh’ok gij heiq- faenh naekna daengx biengz caeuqfaenh dwkcawz bang- vunz simnduk.

(Luz Ciuhyinz)

●Mboengqneix, Gung- cinghdonz Nanzdanh Yen Veijyenzvei caeuq Bouq- diemq Hung Ah’wjbeihswh bae daengz Bazhingh Yauz- cuz Yangh caeuq Lijhuz Yauzcuz Yangh cungh siujyoz、youwzyenz guh aen hozdung gien simndei “saedyienh aen loqsiengj iq bangrengz vut gungz gunggeng”, hawj 135 boux hagseng ndaej saedyienh aen loqsiengj iq. Hozdung gungh giensoengq buek denz、buhvaq、haiz、saw ndeu, gyaqcienz dij fanh lai maenz.

(Hanz Gaihyin)

●Mboengqneix, Bah- maj Yauzcuz Swciyen Naz- dauz Yangh Minzanh Cunh banh hawfwen “Gamjbwng” dangdieg bi gvaq baez haenx. Hozdung yienhciengz, gyoengq canghfwen yungh Fwencuengh dangdieg daeg- bied haenx gangjok gij gietsim dwkcawz bangvunz simnduk caeuq muengh gvaq ndwenngoenz gyaeundei, hawj gyoengq vunz lai roxyiuj gij cienhangh dwkcawz bangvunz simnduk.

(Loz Beifanz)