Ndwen 5 ngoenz 1, youq Liujcouh Si Yungzanh Yen Cangzanh Gvangjcangz, hagseng ndang daenj buhlaex guh gij laex swng geizguek. Ngoenzhaenx dwg cietlauzdung gozci “haj it”, Yungzanh Yen guh aen yizsi swng geizguek, angqhoh cietlauzdung gozci “haj it” daeujdaengz. Aen yienh neix giethab aen hozdung cauhlaeb hawsingz vwnzmingz, youq ngoenzciet hung guh aen yizsi swng geizguek, caemhcaiq youq laj geizguek langhbaij gij cingzcik hwnjguh ginghci vwnzva dangdieg、gij cingzcik vut gungz gunggeng、vwnzva feihyiz daengj, sonyinx siminz ndiepgyaez guekcoj、caezsim bang rengz、gaenx guh baenz miz、vaiqdi vut gungz haeuj siujgangh.

(Danz Gaijhingh/谭凯兴)