Ndwen 5 ngoenz 1, dwg ngoenz daih’it ngoenzgyaj cietlauzdung “haj it”, Liujcouh Si Yungzsuij Myauzcuz Swciyen Yungzsuij Cin Mbanjmung’vuh Mbanjmyauz banh aen hozdung “guh doengznienz”, yienj boq venz、mangzhauh rag gyong、yienj bin byacax、max doxdik baenzroix hozdung, yinx ndaej haujlai bouxhek.

Ciuq cam rox, “guh doengznienz” dwg cungj fungsug Mbanjmyauz Yungzsuij ndeu, couhdwg hozdung caezangq baiqnienz mbanj caeuq mbanj doxndei haenx, gyoengqvunz doxheuh “doengznienz”. Song mbiengj dox- duenq, mbiengj ndeu iucingj mbiengj ndeu, mbiengj haenx moix ranz baij vunz gapbaenz doih “guh doengznienz”, youz bouxgeq ndaw cug daiq doih, boq venz bae daengz mbanj banh hozdung baiqnienz. Doeklaeng, “guh doengz- nienz” cugyamq bienqbaenz gij hozdung caezangq mbanj minzcuz vunznoix Myauz、Yauz、Dung daengj, dangdieg heuhguh “guh lauxgeng”, eiqsei dwg gyau baengzyoux、guh beixnuengx, seizneix gaenq baenz gij hozdung doxgyau daengxcungq lai aen minzcuz.

（Liu Swjyenh/廖子渊）