●Ndwen 4 ngoenz 29 daengz ndwen 5 ngoenz 2,Nazboh Yen banh aen hozdung minzsuz vwnzva henzguek “sam nyied sam Bouxcuengh·gai funglouz Nazboh” bi 2019 Nazboh Yen nem gaiq daihcibseiq Yinznanz Gvangjsih haj yienh(si) bien’gyaiq vwnzva doxgyau hozdung、Cung- guek Yeznanz vwnzva doxgyau hozdung, yinx ndaej haujlai bouxhek daeuj yawjngonz.

(Yiz Vujgyangz)

●Mboengqneix, Dwz- bauj Yen Cwngzgvanh Cin cujciz doih yienjheiq segih youq Fanghsanh Vwnzdij Gunghyenz guh comz yienjheiq, aen cawjdaez dwg “bingzan hwnjguh, dwkcawz bangvunz sim- nduk”, cezmuz miz go- foux、siujbinj、Heiqcuengh daengj, gyoengq bouxyienj yienj ndaej ndeiyawj, ndaej vunzlai haenh, hawj vunzlai doiq dwkcawz bangvunz simnduk miz roxyiuj moq.

(Yenz Swngyouj)

●Ndwen 5 ngoenz 2 daengz ngoenz 4, Cingsih Si Anhdwz Cin Gaianhdwz banh ciet hawfwen cienz- doengj “ndwensam ngeih- bet” nem ciet yisuz vwnzva minzsuz dieggaeuq “nanzdenh”. Baez hozdung neix miz yienjheiq、doiq fwen、gaeq doxdoj、lanzgiuz doxdax daengj, yinx ndaej haujlai vunz bae yawjngonz youzcet.

(Maz Yez)

●Bineix doxdaeuj, Lingzyinz Yen haenqrengz saedhengz aen canloz saenqhwng lajmbanj, laeb- daeb guh diuzcingj nungz- yez canjnieb gezgou, gyalai gij ligdoh cinjcing bang- gungz、cinjcing vut gungz gunggeng, gyavaiq hwngfat deihfueng daegsaek canj- nieb, ginghci lajmbanj cangqheiq hwngfat, bang- rengz vunz lajmbanj souhaeuj onjdingh gyalai. Ciuq gyoebsuenq, bi 2019 ndwen 1 daengz ndwen 3, vunz lajmbanj Lingzyinz Yen bingzyaenz souhaeuj ceiboiq ndaej dwg 1961 maenz, doengzbeij demlai 8.3%.

(Vangz Binh)