●Ndwen 4 ngoenz 23, Lozcwngz Mulaujcuz Sw- ciyen banh aen vwnzyi comzyienj cawjdaez dwg “doeksaed gemj gvaeh gyangq cienz, coicaenh ginghci hwngfat caetliengh sang”. Gyoengq bouxyienj ciengqgo、diuqfoux、yienj siujbinj senhconz sougvaeh mizgven cihsiz, senhconz gij gvanhnen sougvaeh deng hawj vunzlai, yienhciengz lij miz hothoh ciengjdap cihsiz mizciengj mizgven gvaeh dem, bouxyawj gaenxmaenx caeuqfaenh dapdaez.

(Vuz Siuhyi)

●Geij bi neix daeuj, Lungzcouh Yen Sanggyang Yangh ciuq dieg bae guh hwngfat ndaem makbak- hom, laebbaenz aen hoz- cozse ciennieb dajndaem swnghdai makbakhom. Bi 2017 doxdaeuj, hozcozse daiq 63 ranz ranzgungzhoj haeujguj, vih cunh cizdij ginghci cauh souhaeuj 3 fanh maenz.

(Cauz Yimingz)

●Geij bi neix daeuj, Denhngoz Yen ciuq dieg bae guh、cinjcing okrengz, ra roen、ra banhfap、maeuz gyaeraez hawj ranzgungzhoj vut gungz, yungh “sam daeg”(baenz daegbied caeux、baenz daegbied laeng、daegbied ndei) canjnieb hwngfat guh gyangsim, damqra gij vunqsik hwngfat ginghci diegbya, hawj goengrengz youqndwi youq bakdou ranz ndaej baenz “vunzhong canjnieb”, yungh aen bingzdaiz densangh hwngfat “dinghdan nungz- yez”, byaij ok diuz roen cinjcing vut gungz ndeu.

(Vangz Yenzyungz)

●Ndwen 4 ngoenz 24, Dunghlanz Yen Veiswngh Genganghgiz cujciz yen yinzminz yihyen、cizgung cungsim daengj haiguh aen hozdung senhconz fangz- gung binghlah. Hozdung doenggvaq fat senhconz swhliu caeuq yienhciengz gejdap daengj fuengsik, gangjgej gij binghyiengh、roenloh cienzboq、banhfap yawhfuengz gak cungj binghlah hawj vunzlai.

(Yangz Fungh)