Ndwen 4 ngoenz 16 daengz 18, vih haeujlaeg hagsib senhconz caeuq gvancez doeksaed 《Aen Diuzlaeh Hong Saw Vah Minzcuz Vunznoix Gvangjsih Bouxcuengh Swcigih》（baihlaj genjdanh heuhguh 《Diuzlaeh》）, Nanzningz Si Minzcunghveij (Minzyijveij) lienzhab Si Swhfazgiz、Nanzningz Yizbau youq aen bingzdaiz veihsin gunghcunghau Si Swhfazgiz haiguh aen hozdung camdap cihsiz mizciengj, hozdung guh 3 ngoenz.

Baez hozdung neix cujyau dwg guh muengxyoux dapdaez ciem ciengj, daezmoeg 80% aeu daj 《Diuzlaeh》 daeuj, 20% aeu daj 《Fapguek》 《Fap Dieg Minzcuz Gagguenj》 daengj daeuj, dap deng 7 daez couh ndaej ciem ciengj, ndaej daengz gyoengq muengx- youx angqcoux. Ndwen 4 ngoenz 16 banhaemh 8 diemj, dapdaez hozdung ngamq hainduj aen cungdaeuz ndeu, vunz caeuqfaenh couh daengz 1000 lai boux, 3 ngoenz gungh miz 13334 boux caeuqfaenh aen hozdung camdap mizciengj, bingzyaenz ngoenznaengz soqvunz caeuqfaenh daih’iek dwg 4445 boux, bongj hwnj raq heiq hagsib senhconz 《Diuzlaeh》 ndeu, vih Cungh- vaz Yinzminz Gunghozgoz laebbaenz 70 hopbi caeuq 《Diuzlaeh》 saedhengz hopbi ndeu cauh ok gij heiqfaenh ndei.

Daj bi 2018 fatbouh saedhengz 《Diuzlaeh》 doxdaeuj, Nanzningz Si Minzcunghveij baengh seizndei, yungh lai cungj banhfap senhconz cungh- yangh、swcigih caeuq Nanzningz Si mizgven saw vah minzcuz daegbied dwg gij cwngcwz fapgvi mizgven ndawbiengz yungh Sawcuengh, aenyaenq、baiz gak mizgven guekgya gihgvanh、swyez danhvei、yinzminz donzdij caeuq camhmuengx cwngvu, hozdung hung、haihoih yungh Cuengh Gun song cungj saw yungh deng lai gvaq, ndawbiengz yungh Sawcuengh cugyamq bienqbaenz cangzdai.

(Veiz Yinjsenz)