●Ndwen 4 ngoenz 21, Nanzdanh Yen youq Luzcai Cin Lungzmaj Cunh banh ciet lijyouz vwnzva cazluzlungz bi 2019. Baez hozdung neix ciuq gij hingzsik “nungzyez lijyouz+”, haiguh aen haimuqsik ciet lijyouz vwnzva cazluzlungz、hoih baij gai doxgaiq ndei daegbied Hozciz Si、baij cazyi daengj baenzdauq hozdung, doidoengh lajmbanj it ngeih sam canjnieb yungzhab hwngfat, coicaenh nungzyez gyalai yauqik、vunzguhnaz laisou、lajmbanj lai heu.

(Gvang Vwnzgyangz)

●Vih gaijgez goengrengz gungzhoj youq henzgyawj couh- nieb vwndiz, Denhngoz Yen doenggvaq giyez caeuq godij gunghsanghhu youq dieg comz- youq ranzgungzhoj cauhlaeb aen cehgenh banggungz, sonyinx gak loih saeddaej sou goengrengz gungzhoj couhnieb, daiq ranz- gungzhoj henzgyawj vut gungz baenz miz. Daengz ndwen 4, aen yienh neix gungh miz 12 aen giyez(godij gunghsanghhu) cauh- laeb aen cehgenh banggungz, gungh sou goengrengz 767 vunz couhnieb, ndawde ranzgungzhoj laeb dangjanq laeb gaj 316 vunz.

(Vangz Yenzsungh)

●Ndwen 4 ngoenz 17, Loz- yez Yen banh comzyienj langh- baij gij ndangdaenj lai aen minz- cuz, senhconz gaisau gij lijyouz swhyenz caeuq minzsuz vwnzva dangdieg. Aen yienh neix 8 aen yanghcin ca mbouj geijlai 200 boux Cuengh、Gun、Myauz、Yauz daengj minzcuz daiqbiuj, ndang daenj buhvaq minzcuz doxcomz minzcuz vwnzva gvangjcangz yienhsingz gyauhliuz、langhbaij， langhbaij gij yinxdaeuz vwnzva lai aen minzcuz hawj bouxyawj.

(Goz Yungzfangh)

●Geij bi neix daeuj, Bingz- goj Yen gaenjndaet hopheux aen gunghcwngz saedhengz canj- nieb banggungz, aeu gij canjnieb gonengznuengx nonsei dangguh gij canjnieb cujdauj mbanj gungzhoj ranzgungzhoj vut gungz baenz miz daeuj gungganq, ok daiz le gij cwngcwz dajciengj bangfuz, daengx yienh gij canj- nieb gonengznuengx nonsei ndaej hwngfat riengjvaiq. Seiz- neix, daengx yienh najdieg suen gonengznuengx mauhgvaq 10 fanh moux, cwgoemq 12 aen yanghcin 117 aen cunh 2.2 fanh ranz.

(Vangz Linaz)