（ciep geizgonq）

Lauxsae baez cienq ndang couh raen gou lo, de vadfwngz heuh gou haeujbae. Yawj aen naj lauxsae baenzneix saep, gou caen dwg simgaenj dangqmaz. Lauxsae biengj yawj bonj cozvwnz gou, hai bak naeuz: “Liuz Ginjyui……” Gou ndwnj gaemz myaiz ndeu, gag doiq bonjfaenh naeuz: “Cozvwnz sij mbouj doiq daez lo, dai lo dai lo……” Lauxsae cimyawj gou yaep ndeu, ciepdwk naeuz: “Bien cozvwnz neix dwg mwngz swhgeij raiz lwi?” Gou aj bak couh dap naeuz: “Dangyienz dwg.” Gou geizgvaiq lauxsae vihmaz yienghneix cam, nanzdauh de ngeiz gou cau bouxwnq? Yienghneix couh ienvuengj gou lo, bien cozvwnz neix caen dwg gou gag raiz bw. Gou cingq siengj cwngmingz bonjfaenh, lauxsae youh hai bak lo: “Mwngz daiq bae ranz ba……” Mwhhaenx gou sim diuq haenq dangqmaz, haengjdingh dwg deng dawz bae ranz lingh raiz moq lo. “Gaij ndei di, lijbai neix mbouj miz cozyez, neix mwngz nyinhcaen di, gaij ndei le fat hawj gou, gou bang mwngz douz hawj aen youz- sieng cozvwnz doxdax, yawj aeu mbouj aeu ndaej saek aen ciengj.” Gijmaz? Coihgaij cozvwnz, camgya cozvwnz doxdax? Gou mbouj dingq loek ba? Gou caegyawj lauxsae baez ndeu, raen naj de unqswnh riunyumj, ndaw sim gou hix sikhaek fwjndaem sanq bae, ndit ciuq ronghsag lo.

Baezneix deng cingj bae “gwn caz” gingqyienz dwg aen gezgoj neix, caen hawj gou loeklak youh angqvau ha.

（sat）

(Liuz Ginjsui raiz Ouh Caijfangh hoiz)