Mboengqneix, Namzningz deihdiet 3 hauh sienq sawq hai ci byouq, hauh’ok Namzningz deihdiet 3 hauh sienq haeujdaengz duenh “seiz dauq- suenq” yinh hek, yawhsuenq yaek youq bineix ndwen 6 cingqsik yinh hek. Vih guh ndei hong hagsib senhconz caeuq gvancez doeksaed 《Aen Diuzlaeh Saw Vah Minzcuz Vunznoix Gvangjsih Bouxcuengh Swcigih》 hengzguh hopbi ndeu, haeujlaeg gvancez doeksaed 《Banhfap Guenjleix Ndawbiengz Yungh Saw- cuengh Namzningz Si》， vih Cunghvaz Yinzminz Gunghozgoz laebbaenz 70 hopbi cauh ok gij heiqfaenh saw vah minzcuz ndei, ndwen 3 ngoenz 26, Namzningz Si Minzcunghveij (Minz- yijveij) cingj Cungguek Minzcuz Yijvwnz Fanhyizgiz、hoizsaemj ngeih gaep Sawcuengh、boux veicangj Gvangjsih Minzcuz Yijvwnz Yozvei Gvanh Swgingh gapbaenz aen cuj lauxhangz, daengz dieg cazyawj hong hwnjguh yungh Sawcuengh mizgven baizgeiqhauh dazroen deihdiet 3 hauh sienq.

Ciuq cam rox, 3 hauh sienq gunghcwngz geiz nduj 23 aen camhci cungj ciuq 1 hauh sienq、2 hauh sienq youq baizcamh ndaw camh、baizdou haeujok rog camh、saeudazroen 500 mij rog camh、diveih dieg haeujok daengj baizgeiqhauh dazroen daengj yungh Sawcuengh, seizneix baizcamh ndaw camh gaenq cang sat, mbangj camh baizdou haeujok rog camh、saeudazroen 500 mij rog camh、diveih dieg haeujok hix cang sat, lij miz dingznoix cang caengz sat. Gij cang sat hoeng miz gij vwndiz dajveh Sawcuengh guh baiz mbouj gveihfan, aen cuj cazyawj dangciengz daezok cingjgaij yigen; gij baizgeiqhauh dazroen caengz cang sat, aen cuj cazyawj genyi danvih hwnjguh daezhawj dozgauj dajveh yungh guh saemjhaed dawzgvan, baujmaenh yungh deng Sawcuengh.

(Veiz Yinjsenz)