●Bi 2018 doxdaeuj, Nanzdanh Yen ok daiz gij cwngcwz hawjndei, haenq- rengz ciu giyez yinx ngaenz- cienz, yungh gij fuengsik “cingj haeujdaeuj”, gonqlaeng yinx daeuj 3 aen cangjdenswj、2 aen cangjbuhvaq dieg fatdad haeuj youq diegsuen canjnieb banggungz Bazhih, aen diegsuen neix yungh vunz cungjsoq dwg 2000 boux, hawj bang vunz ranzgungzhoj senj dieg buen ranz youq bakdou ranz ndaej couhnieb.

(Fuz Lungzgyangz)

●Ndwen 3 ngoenz 14, Aen Soj Saedhengz Vwnz- mingz Seizdaih Moq Daanh Yangh Vanzgyangh Mauz- nanzcuz Swciyen cujciz boux- gagnyienh haiguh aen hoz- dung cawjdaez ciet ndaem faex bi 2019 “hwng suijli、ndaem faex ndei、bang vut gungz、leih beksingq”. Doenggvaq baez hozdung ndaem faex neix, hawj caezgya caeuqfaenh daengz hengz- doengh caemh hwnjguh gyaranz saekheu, vih doi- doengh hwnjguh swnghdai vwnzmingz ok rengz.

(Veiz Yui)

●Ndwen 3 ngoenz 13、14， Dasinh Yen cujciz laux- hangz nungzyezgiz ndaw yienh bae daengz Cenzmingz Cin haiguh son’gyauq dinfwngz ndeiyungh ndaem hing, dawz son’gyauq gohgi soengq daengz gyang reih gyang naz, ndaej daengz vunzlai haenhndei. Ciuq cam rox, miz 150 lai ranz vunzlai gungzhoj caeuqfaenh le baez son’gyauq hagsib guh 2 ngoenz neix, doenggvaq son’gyauq gyalai gij saenqsim caeuq gietsim vunzmbanj vut gungz baenz miz.

(Liengz Gveivah)

●Ndwen 3 ngoenz 12, Denzyangz Yen geij bak boux ganbu ginzcung caez youq Vujcunh Cin Bahmouj Cunh Mbanjgyahsi haiguh aen hozdung cawjdaez “daengx- cuengq yivu ndaem faex·bangrengz lajmbanj saenq- hwng”, caez ndaem roengz faexraeu、faexcoengz、faex- makdauz daengj dinfaex 1700 lai go, vih cauh lajmbanj swyenz swnghdai bya heu raemx saw dwk roengz giek- daej maenhsaed.

(Ganh Linz)