Geij bi neix daeuj, Gvangjsih yungh niemhsawq Vahcuengh guh fwngzgaem, doidoengh gak hangh gezcwz baijbouh guekgya bu veij gyagiengz ganbu hagsib song saw vah youq Gvangjsih doek rag.

Gyagiengz diuyenz, laeb cieng laeb cidu. Lai fuengmienh cam’aeu gij yigen genyi aen bouhmonz vah minzcuz gihcwngz caeuq mizgven lauxhangz, yenzgiu okdaiz 《Banhfap Guenjleix Niemhsawq Vah Minzcuz Vunznoix Cojyouq》《Banhfap Niemhsawq Vahcuengh》《Fueng’anq Saedhengz Niemhsawq Vahcuengh》 daengj vwnzgen. Boiqhab Swcigih Gaugaep Yinzminz Fazyen, yenzgiu okdaiz 《Gij Dunghcih Mizgven Haiguh Hong Sawqdiemj Bingzdingh Fazgvanh Cuengh Gun Song Vah》《Banhfap Bingzdingh Fazgvanh Cuengh Gun Song Vah Gvangjsih Bouxcuengh Swcigih(Sawqhengz)》.

Gaenxmaenx damqra, byaij gonq sawq gonq, yungh gyagiengz aen doih fazgvanh Cuengh Gun song vah daengx gih guh diegcungbyoengq, haiguh fazyen hidungj 9 aen laeb gih si 12 aen yienh(si、gih) diegcomzyouq Boux- cuengh daengx gih doicaenh sawq- diemj niemhsawq bakgangj Vah- cuengh, boiqhab Swcigih Gaugaep Yinzminz Fazyen caeuq Gvangjsih Fazgvanh Yozyen, haiguh aen ban son’gyauq fazgvanh Cuengh Gun song vah daengx guek 2018 nienzdoh ceiq sang yinzminz fazyen dakhawj song aen danvih neix banh haenx, vih daezswng gij cienniebvaq caeuq cik- niebvaq suijbingz aen doih fazgvanh song vah gunghawj baujcang rengzrwd.

Boiqhab doicaenh, cingzcik cobouh okyienh. Caeuq Swcigih Gaugaep Yinzminz Fazyen haenqrengz boiqhab, maeuzveh hai aen hoih doicaenh hong bingzdingh fazgvanh Cuengh Gun song vah daengx gih bi 2019. Mboengqneix, gaenq guhsat hong nyinhdingh cingzcik niemhsawq naengzlig yungh Vahcuengh boux bangbouj swhfaz caeuq fazgvanh yenzngwz buek nduj Gvangjsih 12 aen fazyen 144 boux Namzningz Si Vujmingz Gih daengj, guhsat hong guh cingq mbawcingq habgek, caemhcaiq caenh’itbouh coihgaij laeb ndei 《Gvidingh Guenjleix Niemhsawq Vah Minzcuz Vunznoix》《Gveihcwngz Guh Niemhsawq Vah Minzcuz Vunznoix》 daengj gij faenzgauj cidusing mizgven niemh- sawq vah minzcuz vunznoix.

(Liz Gvangjvaz)