Ha! Daihgya ndei, gou dwg mbaw ngaenz maenz ndeu, seizneix cingq ninz youq ndaw dak- coqngaenz aen cauhsi ndeu. Daj ngoenz gou ngamq miz haenx heij, gou ndaw hoz couh gag maq- muengh: Gou yaek guh mbaw ngaenz maenz miznaj ndeu. Gou miz haujlai boux doengzdoih, miz boux godaih haj maenz, dahnuengx haj guk……gyoengqde miz di okbae, miz di haeujdaeuj. Gou gyaez dingq gij gojgaeq gyoengqde dangqmaz, gingciengz dingqnyi mbangj“bouxsaemqgonq”gangj gyoengqde youq baihrog miz maz gojgaeq, gou gig hozhaenz gyoengqde ndaej raen aen biengz baihrog mizyinx dangqmaz.

Gou lumj muengh ndaundeiq muengh ronghndwen ityiengh, daengzlaeng ndaej saedyienh loq- siengj lo! Ngamq haidaeuz seiz, bouxcawj gou dwg daxgoeng gai cijsoemj ndeu. Youq giz de, gou nyinhnaeuz gou sikhaek ndaej ok rog bae, danhseih, gou deng caj baenz ngeihcib bet ngoenz bae, cij miz dahnyez iq ndeu daeuj cawx cijsoemj. Goeng neix cauj gou hawj dahnyez iq, yienghneix lo, gou daengz ndaw fwngz dahnyez iq. Dahnyez iq neix dwg mbouj dwg mbouj roxsoq ne? De langh coq gou haeuj gizdieg mbouj habngamj bae, neix gou mbouj dwg dengsaeh ha? Gou cingq gag ngeix sam ngeix seiq, baihnaj lwgfwngz baez rongh…… Ya, Dahnyez iq daengz ranz lo! Gou iet gyaeuj ok daeuj yaek yawjyawj seiqhenz, hoeng dahnyez iq nyaeb gou okdaeuj, byaij coh aen guenqgyaeng ndeu. Dahnyez iq baez hai fwngz, gou couh doek roengz ndaw dungx guenqgyaeng bae. Va! Ndaw neix miz haujlai beixnuengx gou, youq giz neix, gou youh gvaq duenh saedceij diemzvan ndeu.

Youq duenh neix, baengzyoux dou haeujdaeuj mbouj dingz mbouj duenh, mboujduenh miz beix- nuengx moq gyahaeuj daeuj, cib maenz ngaenz、haj maenz ngaenz……

Miz ngoenz ndeu, bouxcawj iq comz gyoengq beixnuengx dou guhdoih, coq haeuj aen daeh ndeu bae, dingqnyi yaek dawz dou gien hawj boux doengz- hag baenz bingh- lwedhau ndeu. A! Gou rox lo, de yaek guh saehndei ha! Dou coengh de guh gij saeh ndei neix gig miz yiyi, dou cungj rox daengz neix gig miznaj.

Gou nyinhnaeuz, seizneix gou gaenq baenz mbaw maenz ngaenz miznaj ndeu.

（Houz Gyahgiz raiz Daegngingh hoiz）