Ndwen 3 ngoenz 6, Yinzminz Ngaenzhangz Vanzgyangh Mauznanzcuz Swciyen Cihhangz caeuq Vanzgyangh Sinyung Lenzse cujciz doih fugsaeh gagnyienh hojsingh ginhyungz, bae daengz Daanh Yangh Cungsim Siujyoz haiguh aen hozdung bi 2019 “ndwen gagnyienh fugsaeh hag Leiz Fungh” nem “mehmbwk ginhyungz langh yienghndei, ginhyungz cihsiz haeuj hagdangz”.

Mwh hozdung, bouxguhhong doenggvaq gangj PPT、fat ceksaw senhconz daengj hingzsik son gyoengq hagseng hag rox faenbied “it yawj ngeih lumh sam caek” mbaw ngaenz guek raeuz caeuq bouxvunz cwnghsin、ginhyungz ancienz daengj ginhyungz fuengmienh cihsiz, demgiengz gij yisiz cwngzsin caeuq gij yisiz fangzgung fungyiemj ginhyungz gyoengq hagseng, laebhwnj gij gvanhnen siufeiq caeuq gvanhnen ginhyungz cingqdeng. Ngoenzhaenx, Yinzminz Ngaenzhangz Vanzgyangh Mauznanzcuz Swciyen Cihhangz caeuq Vanzgyangh Sinyung Lenzse lij giensoengq ngaenz banghag “cwngzsin” caeuq buek doxgaiq dijyuz yungh ndeu hawj Daanh Yangh Cungsim Siujyoz dem.

(Veiz Yui/韦睿)