●Mboengqneix，Denz- dungh Yen Yincaz Cin Cwngfuj cujciz cin veiswnghyen、giswngh fuzvusoj、swhfazsoj daengj bouhmonz comz youq ndaw haw haiguh aen hozdung bi 2019 vwnzva gohgi veiswngh “sam roengz mbanj”. Doenggvaq fat senhconz swhliu, haiguh yawj bingh mbouj aeu cienz、fugsaeh camcaz ndangcangq、fugsaeh camcaz faplwd cihsiz daengj, mboujduenh dawz gohgi cihsiz、dinfwngz saedyungh caeuq fug- saeh faplwd soengq daengz lajmbanj bae.

(Danz Haijdiz)

●Bi 2018 doxdaeuj, vih daezsang senj dieg banggungz buensenj goengrengz、dinfwngz cauhnieb, Denhngoz Yen ciuq “dinghdan、dinghgangj” son- gyauq fuengsik, hopheux gak loih giyez ndaw yienh yungh goeng aeuyungh caeuq canjnieb hwngfat saedsaeh, haiguh son- gyauq dinfwngz guh doxgaiq fwngzguh minzcuz、guh buhvaq caeuq son dajndaem mak、dinfwngz guenjleix, hawj vunzlai senj dieg banggungz ndaej couhnieb cauhnieb.

(Denz Siyenj)

●Ndwen 3 ngoenz 2, Bak- saek Si Fulenz lienzhab mizgven bouhmonz youq Baksaek Swnh- linz Gvangjcangz Gunghyenz banh aen hozdung aen singhgiz hen gienz mehmbwk “sam bet” bi 2019. Youq hoz- dung yienhciengz, bouxguh- hong fat 《Fung Saenq Ndeu Hawj Beixnuengx Nungzminz- gungh Daengx Si》《Ceksaw Fuengzhoh Lwgmbwk Iq》《Cek- saw Gimqdoeg Gyaranz》 daengj hawj siminz, senhconz mizgven cihsiz hen gienz mehmbwk hawj siminz.

(Couh Fuzningz)

●Nanzdanh Yen Lozfu Cin Dangzdingh Cunh Ginh- beidouh Bwzgoj Canjyez Sifangih doenggvaq “bouxak ginghci+gihdi+ranzgungzhoj+densangh bingzdaiz” guenjguh vunqsik, daiq vunzlai henzgyawj caez hwngfat dajndaem mak, saed- yienh laisou vut gungz baenz miz. Seizneix, sifangih gaenq dajndaem makvoganh 200 lai moux、makmaenj henjlab 200 lai moux、 makmaenj haeux- yangz 100 lai moux, lijmiz maknguh、makyinghdauz daengj mak dem.

(Linz Lifungh)