Mboengqneix, Bingzgoj Yen Gyauyuzgiz fat dunghcih laebdingh bi 2019 cawzcou haggeiz hainduj gyalai Daibingz Cin Cungsim Siujyoz、Yeh- hih Cungsim Siujyoz、 Sinhhih Siuj- yoz、 Bauzlez Siujyoz、 Fung’vuz Cin Duihhih Cungsim Siujyoz daengj 5 aen hagdangz guh hagdangz Cuengh Gun song saw vah, haiguh hong son Cuengh Gun song saw vah, ciuq ngeih loih vunqsik guh sonhag. Daengz neix, Bingzgoj Yen hagdangz Cuengh Gun song saw vah cawz Bingzgoj Yen Hihvang Siujyoz、 Fung’vuz Cin Cungsim Siujyoz song aen hagdangz yienzlaiz miz haenx le, gyalai 5 aen moq, gyonj hwnjdaeuj gaenq miz 7 aen lo.

Ciuq cam rox,《Gvangjsih Boux- cuengh Swcigih Cuengh Gun Song Saw Vah Gyauyuz Hwngfat Gviveh(Bi 2016-2020)》mingzbeg doekdingh le aeu anbaiz ndei hagdangz Cuengh Gun song saw vah, cungdenj youq dieg lajmbanj yungh Vahcuengh daeuj gangjgoj doxgyau haenx hengzguh sonhag Cuengh Gun song saw vah. Daengz bi 2020, daengx gih cungh siujyoz hengzguh son’gyauq Cuengh Gun song saw vah daengz 300 aen doxhwnj, hagseng youq hagdangz daengz 15 fanh vunz doxhwnj. 《Dunghcih》 iugouz Cinghsiu、Hingh- ningz、Denzyangz、Bingzgoj daengj 18 aen yienh(si、gih) dieg vahdeihfueng baihbaek Vahcuengh aeu miz 7 aen doxhwnj. Bingzgoj Yen ok hangh banhfap neix muzdiz dwg gvancez doeksaed gij cingsaenz vwnzgen 《Gvangjsih Bouxcuengh Swcigih Cuengh Gun Song Saw Vah Gyauyuz Hwngfat Gviveh(Bi 2016-2020)》 Gvangjsih Bouxcuengh Swcigih Gyauyuzdingh daengj roek bouhmonz lienzhab yaenqfat haenx, caenh- itbouh coicaenh Cuengh Gun song saw vah gyauyuz aen yienh neix hwngfat, gungganq vunzcaiz Cuengh Gun caez rox, swnjcienz vwnzva Bouxcuengh.

Ciuq gaisau, Bingzgoj Yen 5 aen hagdangz gyalai haenx gaenq baij ok lauxsae bae caeuqfaenh swcigih gaep comz sonlienh, gak hangh hong caepcawq cingq miz bouhloh haiguh.

(Vangz Lizboh/黄立波)