●Ndwen 2 ngoenz 12, bi 2019 Cungguek Yeznanz (Aiden·Nazdangj) minzcuz vwnzva doxgyau hozdung youq Ningzmingz Yen Aiden Cin Nazdangj Cunh Mbanjnazdangj banh. Boux- guhhong vwnzyi ndawbiengz Cungguek Yeznanz doeng- gvaq banh “caemh dwg rangh cingz ndeu·caez hoh cieng Cungguek” baenzdauq henzguek vwnzva hozdung, caezcaemh angqhoh cieng- moq angqyangz huzndei, gyalai Cungguek Yeznanz gak minzcuz doxndei dox- gyau.

(Couh Yizgangh)

●Ndwen 2 ngoenz 11, Denhdwngj Yen youq dij- yuzgvanj aen yienh neix banh aen hoih ciu vunz cienciengz bi 2019 giyez ndaw yienh caeuq “cehgenh banggungz” yungh hong, gungh miz 28 aen giyez ndaw yienh daengz dieg ciu vunz, daezhawj cizvei 98 aen, couhnieb gangjvei 2094 aen, yinx ndaej haujlai bouxguhhong daeuj ra hong.

(Leiz Liginh)

●Geij bi neix daeuj, Denzyangz Yen baengh gijndei diegvih caeuq giek- daej nungzyez ndei bonj- faenh, gaenxmaenx doi- caenh nungzyez caeuq lij- youzyez dox yungzhab, haenqrengz haifat nungz- gyahloz、mbaetsou、ngoenz- singgeiz youqndwi daengj lajmbanj lijyouz vunqsik, caenh’itbouh doidoengh lajmbanj lijyouz ginghci hwngfat.

(Liuz Gez)

●Geij bi neix daeuj, Cingsih Si yawjnaek dieg gig gungzhoj henzguek, yinx haeuj bouxak baenz miz dieg rog haeuj mbanj co yungh dieg, yungh gij vunqsik “cihbu+gunghswh+gihdi+nungzhoh”, daiq- doengh vunzlai hwngfat gij canjnieb mak daegsaek. Seizneix, dan Cingsih Giz- yangz Cin ndaem makgam daengz 4000 lai moux, ndawde aen gihdi ndaem makgam Youzli Cunh aen cin neix bi 2018 baenz mak 120 fanh gaen, souhaeuj 420 fanh maenz.

(Luz Cuilinz)