●Ndwen 2 ngoenz 8, Dasinh Yen banh “aen loqsiengj Cung- guek raeuz” vwnzva haeuj fanh ranz hoz- dung, neiyungz lai dangqmaz, miz guh ceiz、diuq fouxsaux、dwk- gyangq、diuqcag、eu fwen daengj cezmuz, hawj vunzlai youq dieg daejniemh minzsuz vwnzva, roxnyinh seizcin gyaeundei.

(Vangz Veijlinz)

●Mboengq ndwen- cieng, doih cuengq den- yingj gyaez minz maenh bien Ningzmingz Yen Swlang Yangh dingj- maenh bae mbanj henz- guek haiguh “ciengmoq haeuj gihcwngz·den- yingj haeuj fanh ranz” hozdung, fungfouq gij ndwenngoenz vwnzva vunzlai henzguek, hawj vunzlai henzguek yawj- ngonz denyingj gvaq mbat ndwencieng angq- yangz ndeu.

(Couh Yizgangh)

●Ndwen 2 ngoenz 5, liggaeuq ndwencieng coit, Bingzsiengz Sang- siz Cin gak cunh(segih) gag cujciz banh foux saeceij、eu fwen、diuq fouxgvangjcangz、doxdax bengcag、doxdax dwk lanzgiuz daengj vwnzdij hozdung lai cungj lai yiengh. Ciuq cam rox, Sangsiz Cin gaenq laebdaeb lai bi banh doenghgij hozdung coux ciengmoq neix, caux ok gij heiqfaenh ciengmoq angqyangz nauhyied.

(Nungz Veijginh)

●Mboengqneix, Denzyangz Yen Denz- couh Cin Nazdangz Cunh Mbanjgyang Dangzcaz banh aen vanjvei yienjheiq coux ciengmoq bi 2019, caemhcaiq cingj haujlai doih yienjheiq hong- hoengq mbanj henz- gyawj caemh daiz yienjheiq, yienj daiz heiq ndeiyawj ndeu hawj vunzlai daengx mbanj yawj.

(Vangz Gozsun)