Vih caenh’itbouh fungfouq ndwen- ngoenz vwnzva vunzlai caeuq gij huq lijyouz, hawj ndwenngoenz vwnzva ngoenzciet hoenghhwd, hawj lwgminz roxnyinh ndaej、roxnyinh vuenyungz, caux ok gij heiqfaenh ngoenzciet vwnzmingz huzndei、vunzlai caez angq、angqyangz nauhyied, Cingsih Si daj bi 2019 ndwen 1 ngoenz 19 hainduj, daengz ndwen 2 ngoenz 18, cujciz haiguh ciet lijyouz vwnzva minzsuz ciengmoq bi 2019 nem gij hozdung ndwencieng, hozdung guh ndwen ndeu.

Baez hozdung neix gig lai, baugvat: Aen gaihmusiz ciet lijyouz vwnzva minzsuz ciengmoq bi 2019 Cungguek·Cingsih、Cingsih Si comzyienj heiq lajmbanj、gij hozdung cunzyouz vwnzva minzsuz Bouxcuengh Cingsih Si、gij hozdung baenzroix dijyuz ndwencieng、gij hozdung vwnzva minzsuz ciengmoq gingjgih、gij hozdung baenzroix “vwnzva leih minz hom saw Cingsih” daengj.

Aen si neix dingjmaenh gij fueng- cim “vwnzva dap daiz、lijyouz coisiu、vunzlai caeuqfaenh”, ciuq gij yenzcwz angqyangz、doxhuz、ancienz、mbaet- yungh, doed ok gij cawjdaez “baij fung- cingz henzguek, yienj minzsuz daeg- bied”, gvangqlangh haiguh gij vwnzdij hozdung fungfouq lai yiengh、cangqheiq doxhwnj、vunzlai haengj dingq gyaez yawj caeuq bouxhek gyaezmaij、haenhndei haenx, rengzrwd dawz Cingsih lijyouz caeuq gij hozdung baenzroix vwnzva ndwencieng dox giethab hwnjdaeuj, vih cauh gij binjbaiz hawsingz “byadah singz henzguek·Cingsih gyaeundei”, doidoengh doiq rog doxgyau doxgap, coicaenh ginghci ndawbiengz hwngfat cuknet giekdaej.

(Yangz Liujcingh)