Rumzcin ci daeuj va hai mboeng,

Daengngoenz baihdoeng swng hwnjdaeuj;

Mbanjcuengh daihdeih gizgiz raeuj,

Ciengqgo diuqfoux coux ciengmoq.

春风吹来百花鲜，日出东方喜连连；

壮乡大地好光景，载歌载舞迎新年。

Daengngoenz okdaeuj angj baenz gim,

Funghvuengz cix mbin daeuj doxcoh;

Ngoenzneix youh haeuj daengz bi moq,

Coenz beij(fwen) goenghoh caen ndeimaez

(angqyangz).

太阳出来闪金光，凤凰双双迎朝阳；

新的一年又来到，唱祝福歌乐洋洋。

2019 haeuj cieng moq,

Coenz beij(fwen) goenghoh guh ndeimaez

(angqyangz);

Goenghoh vunzlai moqnaj bae,

Bouxboux fatsaez(caiz) hwnj gyaek(mbaek) moq.

2019 新春到， 唱起山歌乐逍遥；

祝贺大家样样好，锦绣前程步步高。

Ngoenzneix youh haeuj daengz bi moq,

Guengjsae gohaij langh hungraez;

Angq ciengq minzcuz doxgiet ndei,

Raeuz yungh fwenbeij daeuj gaq giuz.

新的一年又来到，广西歌海起浪潮；

高唱民族团结好，山歌架起连心桥。

Mbanjcuengh ndei,

Byaraemx miz eiq vunz miz cingz;

Dak hek byaek haeux rangnyimnyim,

Lij miz fwencingz nai(gingq) beixnuengx.

壮乡美， 山水有意人有情；

待客已有好茶饭，更有山歌敬亲人。

Mbanjcuengh ndei,

Vunz ak deih lingz yienghsiengq moq;

Byaraemx beij gim lij ndeigyoh,

Fungcingz fanh soq (yiengh) angq mbouj liux.

壮乡好， 人杰地灵气象新；

生态优势金不换，民族风情更迷人。

Guengjsae swci roekcib cwn(cin),

Fwnfwn rumzrumz byaij gvaqdaeuj;

Lwglan Bouxcuengh gyaez dangj raeuz,

Couh lumj duzbya mbouj liz raemx.

广西自治六十载，风风雨雨走过来；

壮家儿女热爱党，鱼儿和水分不开。

Roekcib bi daeuj byaij mbouj dingz,

Dangj yinx lwgminz daeuj dangranz;

Mbanjcuengh ngoenzngoenz cingq fazcanj,

Ndaw singz lajmbanj caen vuenyungz.

六十年来风雨路，党是人民主心骨；

壮乡天天在发展，各族人民真幸福。

Diuz Dahraemxhoengz yiengq baihdoeng,

Vareux hai mboeng coh daengngoenz;

Bouxcuengh riengz dangj byaij diuzroen,

Moqnaj ndwenngoenz ndei fanh daih.

红水河哟向东方，木棉花开向太阳；

壮族人民跟党走，幸福生活万年长。

Beijfwen ciengq le geijcib bi,

Gojraen ngoenxnix(neix) caen sim hae(hai);

Ngoenzciet bi moq raeuz doengz maez(angq),

Beijfwen yied naez(ciengq) sim yied van.

山歌唱了几十年，唯有今日最新鲜；

新春佳节手牵手，山歌越唱心越甜。