●Mboengqneix, aen doih yienjheiq daengx guek vwnzva gohgi veiswngh “sam roengz mbanj” comz guhyiengh hoz- dung （camh Guengjsae） vwnzyi camnai yienjok faen- bied bae daengz Denzyangz Yen Nazmanj Cin Luzmeij Cunh、Denzyangz Yen Daih’it Siujyoz、bingdoih gunghginh capyouq Denzyangz yienj 3 ciengz heiq leih lwgminz, go、diuqfoux、bajheiq、siujbinj daengj vwnzyi cezmuz lai cungj lai yiengh, ndaej daengz gyoengq bouxyawj bekfwngz haenhndei.

(Luz Siulingz)

●Ndwen 1 ngoenz 18 banhaet, Laizbinh Si Cungj- gunghvei cujciz 6 boux suh- fazgyah bae daengz Laizbinh Dencangj haiguh aen hozdung “coux bi moq soengq doiq- cieng”, dawz “fuk” ciengmoq daezgonq soengq hawj gyoengq cizgungh. Ciuq cam rox, baez hozdung neix gungh yinx ndaej 200 lai boux cizgungh daeuj ciengj “fuk”, soengq ok 300 lai cih “fuk” caeuq 200 lai fouq doiqcieng.

(Cinz Han’wnh)

●Ndwen 1 ngoenz 15, Aen Cungsim Comzsanq Mak- gam Lifungh Cin Sicunh Yienh Siengcouh cingqsik hainduj yungh, makgamdiengz gak yanghcin daengx yienh yaek aeu daeuj gizneix comz, ginggvaq faen leh baucang le daehyinh bae daengz daengx guek gak dieg gai. Ciuq cam rox, aen cungsim neix youz Aen Hezvei Mak Ranz Vunz- guhnaz caeuq Aen Hawciengz Gaicawx Makgam Lifungh Swvei Guengjdoeng lienzhab cauh, ngoenzhaenx gaenq gai ok makgamdiengz 20 fanh gaen.

(Vangz Gohyinz)

●Mboengqneix, Aen Cungsim Bangcoh Faplwd Yienh Lungzcouh bae daengz gak yanghcin haiguh aen hoz- dung senhconz fapceih hawj boux ok rog guh hong dauq ranz bi 2019 ndwencieng gax- gonq, gejdap mizgven cwngcwz caeuq faplwd fapgvi mizgven vwndiz gij guhhong habdoengz、cienzhong、ndawbiengz bauj- yiemj caeuq hongsieng、 guh- hong doxceng daengj hawj boux nungzminzgungh dauq ranz gvensim haenx.

(Nungz Genhfwnh)