Ndwen 1 ngoenz 18, hoih fatbouh saehmoq aen vanjvei lienzvuen ndwencieng Vahcuengh (Guengjsae) Cungguek 2019 youq Swcigih Minz- cunghveij hai. Gaiq vanjvei ndwen- cieng Vahcuengh neix youz cujveijvei vanjvei lienzvuen ndwencieng Vah- cuengh (Guengjsae) Cungguek、Cunghgung Hozsanh Si Veijyenzvei、Hozsanh Si Yinzminz Cwngfuj caez- caemh cawjbanh, Cunghgung Hozsanh Si Siveij Senhconzbu、Aen Gunghswh Mizhanh Hwngfat Lijyouz Vwnzva Dahraemxhoengz Guengjsae ciepbanh, Hozsanh Si Vwnzva Dijyuz Gvangj- dengiz、aen cuj lanzmuz Guengjsae 《Cungguek Minzswngh》 Yinzminz Yizbau、aen cuj lanzmuz Guengjsae 《Gojgaeq Cungguek》 Vazyinz Binz- dau、aen cuj lanzmuz densi 《Guengj- sae Saekheu》、 Gvangjsih Minzcuz Bause、Aen Gunghswh Mizhanh Cienzboq Vwnzva Gveiqdoeng Guengjsae bangbanh. Gaiq vanjvei neix ndaej daengz Swcigih Minz- cunghveij haenqrengz haeujcoengh caeuq cienzmienh dazyinx.

Gicej daj gwnz hoih fatbouh rox daengz, gaiq vanjvei neix yungh cigboq cienzdoengj caeuq gij dinfwngz cigboqyinz ceiq moq dox giethab, doenggvaq Yanghsi Sinhvwnz、Yinz- minz Yizbau、Sinhvazse、Muengx Cungguek、Sinhlang Sinhvwnz、Diuz- daeuz Ngoenzneix、Aigizyi、Youhguz、Yingjgwz Cigboq、Cangiz Cigboq daengj 160 lai aen meizdij, caeuq Gvangjsih Lijyouz Fazcanj Veij- yenzvei、Gvangjsih Minzcuz Bau、Namzningz Lijyouz caeuq Guengjsae Saekheu daengj 50 lai aen bingzdaiz goengcungqhauh, daengx ciengz cig- boq okdaeuj hawj daengx seiqgyaiq. Baez vanjvei neix cawjdaez dwg “Cungguek Mbanjcuengh 60 bi seiz- daih moq aendomq mbinfwfw”, yungh fwen cienz cingz Mbanjcuengh, yungh gij diuqfoux minzcuz langhbaij Mbanjcuengh gyaeundei, ciengq ndwenngoenz moq gyaeundei Mbanj- cuengh. Vanjvei faen baenz Hozsanh ndeiraeuh、Guengjsae gyaeundei、saedyienh loqsiengj sam aen bien- cieng, miz gij cezmuz go、 foux、yaem’wenq daengj gak cungj miz yenzsu lai aen minzcuz seiqgyaiq neix gapbaenz.

Linghvaih, vanjvei bineix lij cingj canghgo guekgya Dunghmungz hwnj daiz yienjheiq, yungh vah doxdoengz yienjciengq gij go ngamq cauh 《Beixnuengx Lai Lumj Ndaundeiq》, caeuq minzcuz guekgya Dunghmungz “rangh ndeu loh ndeu” gij cingz naekgywd meg lwed doxlumj、bya raemx doxlienz, yienh’ok gij muengh ndei “seiqgyaiq ndei, Cungguek cij ndei”, Cungguek ndei, seiqgyaiq cij engq ndei, dazfwngz caez hwnq gyaranz gyaeundei.

(Liengz Cingz)