Mbouj rox vihmaz? Cungj youq gyanghwnz caemrwgrwg seiz ngeix mwngz.

Byonghhwnz ninz mbouj ndaek, ngeix mwngz cingznaek youq ndawsim. Mwngz lumj gyongq muengx cw youq gwnz gyaeuj gou, hawj gou deuz mbouj ndaej.

Gou dawz ok geij mbaw ceijsaenq, dawz gij roxnyinh gwnz- biengz sij hawj mwngz, hawj mwngz rox seizdoeng gyoetrwdrwd, ndaej yawj naehau; seizcin raeuj- rubrub, ndaej nyi roeg ciuz.

Gyangngoenz gou youq bak- dou muengh mwngz, gyanghwnz gou youq laj daeng hawj mwngz sij saenq. Maqmuengh mwngz ndaej hoiz coenz hawj gou hix ndaej, muengh moix fung saenq bienq- baenz naednaed faenhaeux, youq ndawsim mwngz didngad.

Gij aencingz mwngz, gou cungj mbouj lumz, itcig daengz laepda hix mbouj ndaej lumz mwngz.