It ndaundeiq,

Ngeih caiq aen,

Aen ndeu dwk dingh doj,

Aen ndeu coq dingh baed,

Aen ndeu daeb gwnz lae,

Aen ndeu beiq gwnz namh,

Aen ndeu lamh gwnz bam,

Aen ndeu byuz gwnz vax,

Aen ndeu saj gwnzmbwn,

Aen ndeu ninz gwnz faex,

Vunz doxcaemh bae ra,

Raen duzmbaj hwet gaeuz,

Raen duzbaeu swiq din,

Raen duz dingz cae reih,

Raen duzbeih ndaej ndwen,

Gag guh fwen reqreq,

Geij duz gvej samcom,

Doxcomz guh fwen langh,

Yienghyiengh cungj rox gangj,

Nyangz gaiq neix gaiq de,

Gag fwen cix gag danq,

Gongzrere baenzhaemh,

Couh gangj vaiz doxdaemj,

Laemx baihneix baihde,

Vaiz geq caeuq vaiz nyez,

Song ga gvez laj riengh,

Yienghyiengh de cungj rox,

Gag boq daengz maxlaeuz,

Maxlaeuz ndang caen mbaeu,

Byaij hwet gaeuz gemgem,

Cienmonz demq lwgsau,

Caemh mbouj lau lwgnyez,

Ngoenzbonz youq baihde,

Gaeng geq ok daih loh,

Lwgsau hix mbouj rox,

Ok gizgox daeuj youz,

Sau ndaej cibbet gouj,

Deuz haeuj buj bae dai,

Saedcaih dwg doeknaiq,

Bienqbaenz roek diuz sai,

Diuz ndeu raiz mbawraeu,

Diuz ndeu gaemh maxlaeuz,

Diuz ndeu yaeuh nuengx iq,

Diuz ndeu ra yahnoix,

Diuz ndeu boiz yahlaux,

Diuz ndeu bauq yahmaeuz,

Deuz bae gwnz saeu youq,

Caet gang laeuj,

Gouj gang dangz,

Riengz maningq,

Cingj bouxhek,

Gek bouxvaih,

Baiq bouxsien,

Youq cien nienz mbouj lau.