●Ndwen 1 ngoenz 8, Gvangjsih Bouxcuengh Sw- cigih Banggungz Haifat Bangunghsiz caeuq Gvangj- sih Bouxcuengh Swcigih Heiqyienh bae daengz Dasinh Yen banh haenqheiq baenaj——“Dou youq gwnz roen vut gungz gunggeng” vwnzyi yienjok. Ngoenz- haenx, gyoengq bouxyienj biujyienj diuqfoux、Heiq- cuengh、siujbinj daengj cezmuz lai cungj lai yiengh, langhbaij le gij cingsaenz baengh rengz bonjfaenh、doxgiet buekguh vunzlai lajmbanj Gvangjsih, ndaej daengz bouxyawj haenh.

(Vangz Dwzminz)

●Ndwen 1 ngoenz 9, Baksaek Si Hungzsizswvei dangjcihbu、 Yougyangh Gih Sinfangjgiz dangjcihbu daengj bouhmonz lienzhab haiguh gij hozdung ngoenz- dangj cawjdaez dangjyenz haeuj segih “coux ndwen- cieng soengq raeuj”, bae daengz Lungzvang Segih camnai 12 ranz bouxgeq gadog、lwggyax caeuq ranz daegbied hoj miz bingh naek haenx, soengq buhvaq seiz- doeng、haeuxsan、youzgwn daengj doxgaiq camnai bae hawj gyoengqde, soengq gij gvansim caeuq raeuj dangj bae hawj gyoengqde.

(Vangz Cwngzgvei)

●Mboengqneix, Cing- sih Si Huzyin Cin banh aen vanjvei lienzvuen gofoux coux cieng moq ginh、gingj、minz. Vanjvei hingzsik fung- fouq lai yiengh, miz diuq- foux、siujbinj、yienjheiq daengj, biujyienj ndeiyawj ndaej daengz 500 lai boux bouxyawj yienhciengz bek- fwngz nyauznyauz.

(Maz Cwngyungz)

●Ndwen 1 ngoenz 8, Baksaek Si Lauxnienz Daih- hag youq Baksaek Dijyuz- gvanj banh aen hozdung coux ciengmoq comzyienj dungx- caiz, doenggvaq habciengq、diuqfoux、doeg saw、yienj- heiq、eu fwen daengj biuj- yienj dungxcaiz ndeiyawj, langhbaij le gij sonhag cwngzgoj Baksaek Si Laux- nienz Daihhag caeuq gij cingsaenz yienghsiengq angq- yangz gyoengq bouxgeq aen si neix.(Luz Feih)