Mboengqneix, Namzningz Si Vuj- mingz Gih Gyauyuzgiz laebdingh Vujmingz Gauhcungh、Sanghgyauz Cin Cungsim Hagdangz、Senhhuz Cin Cungsim Hagdangz、Sanghgyauz Cin Sanghgyauz Siujyoz、Sanghgyauz Cin Yihlingj Siujyoz daengj 5 aen hagdangz guh hagdangz Cuengh Gun song saw vah. Daengz neix, Vujmingz Gih hagdangz Cuengh Gun song saw vah gyalai daengz 13 aen, ndawde siujyoz 8 aen, cuhcungh 4 aen, gauhcungh aen ndeu.

Bi 2018 ndwen 8, Swcigih Gyauyuzdingh yaenqfat 《Fueng’anq Hwnjguh Gizdieg Guhyiengh Sonhag Cuengh Gun Song Saw Vah Gvangjsih Bouxcuengh Swcigih》, gietdingh aeu Vujmingz、Sanglinz、Cinzdangz、Dwz- bauj、Denzyangz、Yizcouh、Vanzgyangh、Dunghlanz、Denhdwngj、Sangswh daengj 10 aen yienh(si、gih) hwnjguh baenz gizdieg guhyiengh sonhag Cuengh Gun song saw vah, moegbiu dwg “ginggvaq haiguh hozdung hwnjguh, gak gizdieg hagdangz Cuengh Gun song saw vah banhhag diuzgienh ngoenz ndei gvaq ngoenz, aen doih lauxsae Cuengh Gun song saw vah ngoenz hung’ak gvaq ngoenz, gij hozdung gyauyenz sonhag Cuengh Gun song saw vah miz bouhloh haiguh, Cuengh Gun song saw vah son’gyauq sonhag caetliengh mbouj- duenh daezsang, youq dieg vahdoj bonjdieg caiqlij daengx gih ndaej miz gij cozyung yinxlingx guhyiengh”, iugouz gak gizdieg “guhndei anbaiz hagdangz Cuengh Gun song saw vah, gyalai gij soq hagdangz Cuengh Gun song saw vah, gyalai gij gveihmoz son’gyauq Cuengh Gun song saw vah. Hagdangz cungh siujyoz hengzguh sonhag Cuengh Gun song saw vah mbouj ndaej noix gvaq 10 aen (miz cuhcungh aen ndeu doxhwnj), daj yenzcwz daeuj gangj ceiq noix miz aen bujdungh gauhcungh ndeu hailaeb dangzgoq senjhag Sawcuengh Vah- cuengh”.

Daengz seizneix, daengx gih hag- dangz haiguh sonhag Cuengh Gun song saw vah miz 275 aen, lai gvaq bi 2017 byai 14 aen, ndawde siujyoz 234 aen, cuhcungh 35 aen, gauhcungh 6 aen, hagseng hagdangz Cuengh Gun song saw vah mauhgvaq 14 fanh boux.

(Cinz Gizvwnz)