Mbanj dou dwg aen mbanj rungh iq bienbik ndeu. Youq ndaw mbanj dou, miz aen ranz ndeu, daengx ranz 4 boux vunz, miz bohmeh caeuq song lwg. Boh aenvih geij bi gonq ciengz cihux fouzcingz ndeu, deng gvej bae diuz genfwngz, mbouj ndaej guh hong reihnaz. Meh aenvih lij iq gij gwn yingzyangj mbouj gaeuq caeuq gwn haeux mbouj ciuqseiz, baenz bingh mansing veiyenz caeuq gvanh- cezyenz, hix guh mbouj ndaej hong naek. Daxcej lij doeg cuhcungh, daegnuengx doeg siujyoz.

Gyoengqde youq ndaw fungh ranz vaxnaez daemqdet, bangxciengz ndaw ranz deknyaknyak, seizdoeng rumznit daj gij gehdek ndonj haeuj- daeuj. Dingjranz couh lumj ndaundeiq gwnzmbwn, danghnaeuz fwn doek, gij doengj cungj mbouj gaeuq ciep fwnraemx roh roengzdaeuj. Ndaw ranz ciengx miz geij duz gaeq bit, song duz mou caeuq duz cwz ndeu. Gwn raemx aeu daengz aen mboq liz ranz it goengleix rap raemx ma. Daengx ranz vunz dan baengh gwnz geng moux sam faen dieg, caeuq aen cunhveij bang di, roxnaeuz vunzmbanj daeuj coengh, cengqgengz gvaq ndwenngoenz. Saed- ceij gvaq ndaej gig gannanz, ndaw ranz lienz aen densi cungj mbouj miz. Boh cungj dwg danqheiq gyangznaek naeuz:“Ai…… Ndwenngoenz saekdi maq- muengh hix mbouj miz o!”

Gij ronghsag aen dangj ciuq doh daihdeih, cingcinj banggungz saedhengz, hawj gij ndwenngoenz gyoengqde ndaej bienqvaq haujlai. Bangfuz ganbu mbouj geij nanz couh daeuj liujgaij gij cingzgvang gyoengqde, hawj gyoengqde senhconz gij cwngcwz banggungz. Gij ranz gaeuq gyoengqde nyoengxlaemx lo, hwnq gan ranz moq he. Bangfuz ganbu youh soengq hawj gyoengqde aen densi he. Daxcej caeuq daegnuengx moix aen haggeiz cungj miz gij swnghhoz bangbouj, caemhcaiq cwng- fuj lienzhaeh le gij giyez simndei, gij giyez nyienh soengq songde doeg daengz dayoz.

Boh ndaej anbaiz haeuj ndaw mbanj yozyau guh baujanh, moix ndwen cungj miz cienzhong. Daxmeh moix ndwen hix miz di ceiq daemq swnghhoz baujcang. Mboujdan yiengh- neix, ndaw mbanj gensez gij hangh- moeg raemx gwn, ranzranz cungj ciep ndaej swlaizsuij, caiq hix mbouj aeu bae dieggyae rap raemx lo. Ndaw mbanj gij loh bu suijniz, lienz daengz bakdou moix hoh, yienzlaiz gij gyangdoengh namhboengz loh iq mbouj raen lo. Seizneix gyoengqde gvaq ndaej gig vuenyungz, baez gangj daengz gij bienqvaq neix, boh cungj dwg cingsaenz gvaekgvaek dwk naeuz:“Gij saehcingz doenghbaez siengj cungj mbouj gamj siengj, gingqyienz fatseng youq henz ndang, Mauz cujsiz dwg boux gouq mingh lwgminz, Siz cujsiz couhdwg boux bang gungz coengh hoj! Gungcanj- dangj caen dwg ndei ha!”

Dwg ha, mbouj miz gungcanj- dangj couh mbouj miz Cungguek moq! Mbouj miz dangj lingjdauj, couh mbouj miz ngoenzneix gij saedceij vuenyungz! Youq gwnz roen gensez Cungguek gij rumzfwn neix, Cunghgoz Gungcanjdangj itsim vih beksingq, caemhcaiq coengzlaiz mbouj bienq gvaq、mbouj ning gvaq. Youq Cungh- goz Gungcanjdangj lingjdauj baihlaj, guekgya raeuz fazcanj mwnhoengh, yamqdin baenaj youh yied byaij yied vaiq, sevei fazcanj mbwn fan deih boek、ngoenz bienq aen yiengh, gij suijbingz swnghhoz lwgminz mbouj- duenh ndaej daezsang. Neix sojmiz hawj lwgminz ginzcung laegdaeuq roxnyinh daengz: Aen dangj raeuz dwg geijlai hungmbwk, hix saenqniemh giendingh dwk ciengxlwenx riengz dangj byaij baenaj!

Gou siengsaenq, cijaeu caezgya doengzcaez roengzrengz, doengzcaez haenqrengz buek guh, genhciz ciengz- geiz mboujduenh youq gwnz gangjvei bingzciengz amqamq ok rengz caemhcaiq haeujsim guh saeh, bietdingh ndaej saedyienh aen loq- siengj gvaq hwnj gij saedceij engq vuenyungz, hix bietdingh ndaej saedyienh aen loqsiengj Cunghvaz Minzcuz fukhwng hungmbwk!