Ngoenz gonq, Liujcouh Si banh aeu “Yenfaz youq ndawsim gou Fazliz buenx gou hungmaj” guh cawjdaez bouxcoz nyezhung yienhciengz doxdax sijcih fazci, 150 boux senjsouj daj daengx si 10 aen yienh daeuj haenx comz youq Liujcouh Si Vwnzmyau gaem bit sij gawqvah okmingz fazci, aeu gij fuengsik gagdog haenx hagsib Yenfaz fazliz cihsiz.

Ciuq cam rox, mbat doxdax neix daj 11 nyied 6 hauh couh hainduj lo, daengx si miz 454 fuk cozbinj camgya doxdax haenx youq gwnz bingzdaiz vangjloz guh le yawh doxdax, ginggvaq fueng cawjbanh genjleh miz 150 fuk cozbinj sijcih guh gietsaiq. Gietsaiq dangngoenz, boux senjsouj hopheux fazci neiyungz yienhciengz sijcih, gyau cozbinj hwnjbae le caiq youz canghsijcih yienhciengz bingzbeij, yienhciengz gunghbu gezgoj. Doeklaeng bingz ok cuj siujyoz it daengj ciengj 3 boux、cuj cuhcungh it daengj ciengj 2 boux、cuj gauhcungh it daengj ciengj 1 boux.

(Fu Yungjsinh/傅永新 Veiz Cinhcuh/韦珍珠)