Hawfwen hoenghrad youh miz moq,

Gyoengq vunz Nazloemq doq camgya;

Mboujlwnh gizgwnz caeuq gizlaj,

Sim’angq couh lumj dujva hai.

Cwngcwz hailangh gvaq ndaej ndei,

Caezgya seizseiz cungj sim maez;

Bouxminz daengx bi gig vuenheij,

Mwhneix beixnuengx doengz bienq

fouq.

Goenglauz hungmbwk cienz gvi dangj,

Beksingq fanndang youq ngoenzneix;

Mbouj lumz aencingz Mauz cujsiz,

Hai seizdaih moq vih beksingq.

Miz Siz Ginbingz gvaqdaeuj swnj,

Bouxminz miz gwn sim onjdingh;

Ciuq fap ceih guek biengz cij bingz,

Daengx guek bouxminz sim angqyangz.

Seizneix lajmbanj bienq yiengh hung,

Ranzranz cungj hwnj ndaej laeuzfangz;

Ranzlaeuz ndwnsoengz hangz doek

hangz,

Saeqsim dajcang caen gyaeundei.

Gaijgwz hailangh ngamq fouqmiz,

Rumzcin raeujrub ci doh ndang;

Gwn ndei youq ndei gvaq ndaej an,

Bongh coh siujgangh docih dangj.

Docih Cunghgoz Gungcanjdangj,

Bangcoh bouxgungz ndaej duetbinz;

Lingjdauj daengx guek raeuz boux-

minz,

Rom ndaej gimngaenz sim fouz you.