● Mboengqneix, Gung- cinghdonz Dunghlanz Yen- veij cujciz 4 boux boux- gagnyienh bae daengz Dunghlanz Yen Swmungj Yangh Lungbingz Siujyoz, haiguh geiz daih’it hozdung dajveh dangzgoq bang son- gyauq gvansim lwgnyez louz mbanj, vih 118 boux lwgnyez Lungbingz Siujyoz soengq bae dangzgoq mizyinx fung- fouq lai yiengh ndeu, caemhcaiq soengq buhvaq seizdoeng bae hawj gyoengq lwgnyez.

(Veiz Ciuhyij)

●Mboengqneix, Fuz- suih Yen haiguh aen hozdung senhconz fanj sezgyau, hoz- dung cawjdaez dwg “gingq- cungh gohyoz fanjdoiq sez- gyau”, doenggvaq laeb daiz- camcaz、guh canjbanj、fat swhliu senhconz daengj lai cungj roenloh haeujlaeg haiguh fanj sezgyau senhconz gyauyuz, caemhcaiq goeng- bouh sezgyau anqgienh gawj- bauq dienhvah, gvangqlangh dungyenz vunzlai ndaw- biengz, cawjdoengh gaenx- maenx gienjgawj sezgyau famhfap famhcoih.

(Moz Liyen)

●Mboengqneix, Lungz- linz Gak Cuz Swciyen Sahliz Yangh Cwngfuj banh aen hozdung cunzdauq yienj heiq vut gungz gunggeng. Geizgan, aen yangh neix mizgven cansoj、 hagdangz ganbu cizgungh caeuq vunzlai gak mbanj gaenxmaenx camgya yienj heiq, gyagiengz gij saenqsim caeuq gietsim vunzlai vut gungz baenz miz, bangdoi vut gungz gunggeng.

(Bangz Minjvei)

●Mboengqneix, youq dieg anyouq luzcoz senj ranz bangfuz Lingzyinz Cauzlij Yauzcuz Yangh, ranzgungz- hoj ngamq senj haeuj ranz- moq haenx doxcomz youq giz ndeu, ciengqgo diuqfoux angqhoh haeuj ranzmoq. Aen yienh neix “cibsam haj” dajveh saedhengz senj dieg senj ranz 3393 ranz 16109 boux, daengz seizneix, senj haeuj ranzmoq cingzsoq gaenq daengz 82%.

(Loz Hihhaij)