（baihgwnz ciep banj daih’it）

Ciuhgyawj doxdaeuj, gak cuz lwglan maenhndei Guengjsae itloh ndwn youq baihnaj dawz ranz hen guek, doxciengj gyahaeuj gwzming doucwngh, nyoenxok buek dem buek vunzndei vunzmaenh baenzbaenz cungj mbouj lau、cungsaed mbouj bienq, sijok le souj dem souj go gyaezguek gamjdoengh diendeih、ak gvaq lajmbwn. Dwng Siujbingz daengj gwzminggyah banlaux daiqlingx Baksaek Gijyi, laebhwnj le Cojgyangh Yougyangh Gwzming Gwnhgidi, youq gwnz lizsij Cungguek gwzming sij roengz yieb ronghsag ndeu. 60 bi gaxgonq, senhgau laebbaenz Gvangj- sih Bouxcuengh Swcigih, hai le diuzroen moq doxgiet baenaj、mwnhoengh hwngfat. Ndaej minzcuz cwngcwz aen dangj ciuqrongh, swcigih byaij gvaq le diuzroen haenqguh gig mbouj bingzciengz, aeundaej le cingzcik lwenqda geiq haeuj lizsij.

——Ginghci saedlig daih fuk- doh yathwnj. 1958 nienz, digih swnghcanj cungjciz ngamq miz 20 lai ik maenz, bi’gvaq baez daih’it mauhgvaq 2 fanh ik maenz. Daegsaek nungzyez ciuhneix hainduj baenz gveihmoz; gunghyez dijhi ciuhneix gyavaiq laebhwnj; hangz fugsaeh saedyienh yathamj hwngfat, doiq ginghci demmaj gunghawj beijlwd dabdaengz 50%. Liujcouh daengj dieggoek gunghyez gaeuq vuenh goetyiet, Bwzbuvanh Ginghcigih daengj giz ginghci demmaj moq hwngfat hoenghhwd. Daj Sizvan Dasanh daengz song hamq Sihgyangh, dauqcawq dwg gij gingjsaek ngoenz beij ngoenz gyaeundei、hwngfoedfoed hawj vunz sim’angq.

——Gaijgwz hailangh yamq- hung baenaj. Vunz Guengjsae gamj guh gij saeh vunz caengz guh, itloh baumaenh gij yienghceij bouxhaenq- guh caeuq bouxbuekhoenx. Gizneix dwg dieggoek daengx guek aen cunhveijvei daih’it, dwg gaiq naz sawqguh rangh henz guek ginhyungz gyoebhab gaijgwz、aen cidu diegdeih lajmbanj gaijgwz、yiengh hawsingzvaq moq gyoebhab gaijgwz, cauh ok le “vunqsik Denzdungh” lajmbanj ginh- yungz gaijgwz. 40 bi daeuj, Guengjsae doiq rog gaicawx cungjngeg demmaj 200 lai boix, bi’gvaq dabdaengz 572 ik meijyenz. Cungguek-Dunghmungz Bozlanjvei ciengxlwenx an’gya youq Guengjsae, gaenq banh baenz 15 gaiq, gij rengzyingjyangj gozci “miengloh Nanzningz” mboujduenh gyadaih. Doenghbaez gungx henz guek doxdoiq fungsaek neix, ngoenzneix gaenq baenz ranghdieg nauhyied ceiq baihnaj doiq rog hailangh.

——Saedceij lwgminz gaijndei gig daih. Doenghbaez, “bya lai reihnaz noix, cib ranz bet ranz hoj”. Bi’gvaq, singz mbanj gihminz swcigih moix vunz bingzyaenz gij souhaeuj ndaej yungh faenbied mauhgvaq 3 fanh maenz caeuq 1 fanh maenz. Saehnieb ndaw- biengz cienzmienh cinbu, youq dieg baihsae ceiq caeux hengzguh aen gunghcwngz