Cunghgung Gvangjsih Boux- cuengh Swcigih Veijyenzvei、Gvangj- sih Bouxcuengh Swcigih Yinzda Cangzveijvei、Gvangjsih Bouxcuengh Swcigih Yinzminz Cwngfuj、Gvangjsih Bouxcuengh Swcigih Cwnghez、Gvangjsih Ginhgih:

Youq mwh Gvangjsih Boux- cuengh Swcigih laebbaenz 60 hopbi, Cunghgung Cunghyangh、Daengx Guek Yinzda Cangzveijvei、Gozvuyen、Daengx Guek Cwnghez、Cunghyangh Ginhveij angqhoh caeuq camndei gak cuz ganbu ginzcung caeuq gyoengq- vunz gak gyaiq Gvangjsih Bouxcuengh Swcigih, angqhoh caeuq camndei gyoengq cijcanyenz aen bingdoih Yinzminz Gaijfangginh capyouq Guengjsae、gyoengq guenbing bing- doih Gvangjsih Vujgingj caeuq gyoengq gangingj cwngfaz, angqhoh caeuq camndei sojmiz gyoengq dungzci caeuq baengzyoux gvansim haeujcoengh hwnqguh hwngfat Gvangjsih Bouxcuengh Swcigih!

1958 nienz Gvangjsih Boux- cuengh Swcigih laebbaenz, dwg youq gwnz lizsij minzcuz gvanhaeh guek raeuz gaiq sigbei hungsang ndeu, hainduj le bien faenzcieng lizsij moq Guengjsae gak cuz ganbu ginzcung miz aen dangj daiqlingx caezcaemh danggya guhcawj、hwnqguh Guengjsae gyaeundei. 60 bi daeuj daegbied dwg gaijgwz hailangh doxdaeuj, Guengjsae guhbaenz le gij bienqvaq hungloet mbwn fan deih boek doenghbaez caengz miz gvaq. Ginghci saedlig dem'ak yienhda, sezsih giekdaej ngoenz beij ngoenz ndei, hailangh gapguh cienzmienh gya’gvangq, gak hangh saehnieb ndawbiengz cienz- mienh hwngfat baenaj, gunggeng duetgungz aeundaej gij cincanj miz gietdingh yiyi, gij saedceij gak cuz lwgminz gaijndei yienhda, ndawbiengz laebdaeb huzndei onjdingh. Hwnqguh swnghdai vwnzmingz cingzyauq yienhda, bya heu raemx saw swnghdai ndei baenz le gaiq ciubaiz dijbauj Guengjsae, gij cozyung hendawz swnghdai ancienz baihnamz guekcoj ngoenz beij ngoenz doedok. Cukgaeuq fatok gij ak aen cidu ranghdieg minzcuz gagguenj, gvangqlangh fat- yiengz gij vwnzva conzdungj maenh- ndei Cunghvaz, gak minzcuz doxgyau doxdoeng doxyungz engqgya haeuj- laeg, gij eiqsik caezcaemh aen Cunghvaz Minzcuz ndeu engqgya maenhsaed. Aen dangj gensez cienz- mienh gyagiengz, giekdaej gaemgienz engqgya maenhrem. Daegbied dwg Guengjsae itloh cungj dingjmaenh leih'ik guekgya youq giz ceiq sang, itloh cungj ndwn youq giz ceiq baihnaj baujhoh dieg henzguek, cawjdoengh yungzhaeuj caeuq fugsaeh aen canloz cungjdaej hwngfat guekgya, vih henhoh diegdeih guekcoj caezcingj caeuq mwnhoengh hwngvuengh guh- ok gunghawj youqgaenj. Aen Guengj- sae ngoenzneix, diegnamhnding dauqcawq hoenghhwdhwd, Bwzbuvanh hwnzngoenz nyaengqfoedfoed, gak cuz lwgminz sim doxlienz、fwngz doxdaz, geuj baenz diuz cag ndeu, mbouj- duenh gyavaiq yamqdin duetgungz buet haeuj siujgangh, ngiengx gyaeuj enj aek yamq hung byaij youq gwnz diuzroen gvangqlangh doengrat sevei cujyi miz daegsaek Cungguek.

Roekcib bi fwnfwn rumzrumz, roekcib bi dawzmak nuengqroem. Gij cingzcik lwenqda Gvangjsih Boux- cuengh Swcigih 60 bi doxdaeuj aeundaej mbouj yungzheih, gingniemh dijbauj dangqmaz. Doenghgij neix liz mbouj ndaej Dangjcunghyangh、Goz- vuyen maenh’ak daiqlingx, liz mbouj ndaej daengx gih gak cuz ganbu ginzcung mbouj dingz haenqguh, liz mbouj ndaej daengx guek lwgminz caencingz bangcoengh. Saedguh cwngmingz, cijmiz dingjmaenh Cunghgoz Gungcanjdangj daiqlingx, dingjmaenh yiengh sevei cujyi miz daegsaek Cungguek, dingjmaenh cienzmienh gyalaeg gaijgwz hailangh, dingjmaenh aen cidu ranghdieg minzcuz gagguenj, dingjmaenh couq- maenh gij eiqsik caezcaemh aen Cunghvaz Minzcuz ndeu, cijndaej saedyienh Guengjsae hwngfat baenaj, saedyienh “Cunghvaz Minzcuz ranz caen ndeu, doengzsim caemh guh loqsiengj Cungguek”.

Yiengh sevei cujyi miz daegsaek Cungguek yamqhaeuj seizdaih moq, Guengjsae caeuq daengx guek doxcaez ndwn youq giz hwnjdin lizsij moq. Dangj caeuq guekgya soqlaiz gig yawjnaek Guengjsae hwngfat, gvansim Guengjsae gak cuz ganbu ginzcung dangqmaz. Daegbied dwg Cibbet Daih aen dangj doxdaeuj, Siz Ginbingz cungjsuhgi lai baez cijsi baecih gij hong Guengjsae, vih guh ndei hong Guengjsae caiq daezhawj ciuqei youqgaenj. Maqmuengh Guengjsae gak cuz ganbu ginzcung itloh cungj yaengxsang mbawgeiz hungmbwk sevei cujyi miz daegsaek Cungguek, aeu Dwng Siujbingz lijlun、“sam aen daibyauj” cungyau swhsiengj、gohyoz fazcanjgvanh、gij swhsiengj Siz Ginbingz sevei cujyi miz daegsaek Cungguek seizdaih moq guh dazyinx, cienzmienh gvancez gij cingsaenz Cibgouj Daih caeuq Cibgouj Gaiq Ngeih Cung、Sam Cung Cienzhoih aen dangj, laebmaenh “seiq aen eiqsik”, giendingh “seiq aen gagsaenq”, giengiet henhoh gij diegvih haedsim Siz Ginbingz cungjsuhgi、giengiet henhoh gij gienzvi caeuq gij daiqlingx gyonjcomz doengjit Dangjcunghyangh, giengiet gvancez doeksaed gij gezcwz baijbouh Dangjcunghyangh、Goz- vuyen, gejcuengq swhsiengj、laemxsim baenaj、gung roengz gunnanz, netsaed guh ndei gak hangh hong fouq lwgminz hwng Guengjsae, roengzrengz youq doidoengh ginghci hwngfat caetliengh sang fuengmienh yamq ok yamqdin moq, youq baujcang caeuq gaijndei saedceij lwgminz fuengmienh aeundaej baenaj moq, youq gyagiengz baujhoh swnghdai vanzging fueng- mienh raen miz cingzcik moq, youq hengzguh aen canloz hailangh daiqdoengh、doidoengh hwnqguh “it rangh it loh” fuenghmienh haiok gugmienh moq, aeu daih hailangh hingzndaej daih hwngfat daih yathamj, caeuq daengx guek doengzcaez yamq- haeuj aen biengz cienzmienh siuj- gangh, youq gwnz roen moq saedyienh aen muzbyauh haenqguh “song aen bak bi”、saedyienh aen loqsiengj Cungguek daih fukhwng Cunghvaz Minzcuz caiq guh’ok gunghawj engq hung!

Yinzminz gaijfangginh capyouq Guengjsae、bingdoih vujgingj caeuq duivuj cwngfaz dwg gij ligliengh youqgaenj hen henzguek caeuq hoh ndawbiengz Guengjsae onjdingh. Aeu itloh geiqmaenh sawjmingh、dang ndaej hwnj daknaek, laebdaeb fatyiengz conzdungj caeuq cozfungh maenhndei, henhoh caeuq coicaenh minzcuz doxgiet, gyamaenh caeuq gyaak ginhcwng ginhminz gingjminz doxgiet, vih Guengjsae gaijgwz hwngfat onjdingh caiq laeb goenglauz moq.

Hawj raeuz engqgya gaenjmaed doxgiet youq seiqhenz aen Dangj- cunghyangh aeu Siz Ginbingz dungzci guh haedsim, mbouj lumz simnduj、geiqmaenh sawjmingh, dawzneuz dox- bang、haenqheiq baenaj, mboujduenh sij ok bien faenzcieng moq baihnamz guekcoj mwnhoengh hwngfat seizdaih moq, haiok daengzcog biengzdeih Betgveiq engqgya gyaeundei!

Hoh Gvangjsih Bouxcuengh Swcigih hwng’vuengh fatdad!

Hoh Guengjsae gak cuz lwgminz vuenyungz an’onj!

Daengx guek gak cuz lwgminz daih doxgiet fanhbi!

Cunghgung Cunghyangh

Daengx Guek Yinzda Cangz-

veijvei

Gozvuyen

Daengx Guek Cwnghez

Cunghyangh Ginhveij

2018 nienz 12 nyied 10 hauh