11 nyied 24 hauh, Ginhsiu Yauzcuz Swciyen bi 2018 gaiq daihsam ciet lijyouz byanouq youq Sanhgoz Yangh Gyanghyen Cunh gawjhengz. Ngoenz haenx miz Yauzcuz yenzswnghdai vwnzyi、caemx feiz、haqsai daengj minzsuz biujyienj caeuq daejniemh yw Yauzcuz、doxdax gaeb byanouq、daejniemh “ngaiz Banzvangz” Yauzgya daengj hozdung.

Geij bi neix daeuj, Sanhgoz Yangh aeu bya raemx ma guh daizdap, vwnzva ciengqheiq, coicaenh swnghdai minzsuz、daegsaek nungzyez laebdaeb hwngfat, mbouj- duenh coicaenh nungzminz demsou baenzfouq. Mbat hozdung neix, gij swyenz funghgvangh gyaeundei, daegsaek canjyez, vwnzva conzdungj Yauzcuz ronghsag haenx yinx baenz geij cien hekyouz daeuj camgya.

(Ciengj Gyanghliuz/蒋江流)