1993 nienz, Couh Veizgen、Lungz Yenbingz doiq gvanbaz youq Nanzdanh yienhsingz haenx bae daengz ndaw yienh Luzcai Cin Manzgenj Cunh co ndoifwz 1600 lai moux, haifwz dajndaem binjcungj ndei lwgndae mbouj miz ceh. Seizneix golwgndae dawzmak haenx gaenh 1000 moux, moix bi ndaej gai lwgndae 100—200 fanh gaen. Ciengz ciengq cingcinj banggungz dwkyiengj le, Couh Veizgen gvanbaz couh cujciz laebbaenz Manzgenj Yenzyi Conhyez Hozcozse, sou 31 ranz hohgungzhoj caeuq nungzhoh seiqhenz mbanj daeuj camgya guh hong hozcozse. Dangqnaj, hohgungzhoj、nungzhoh ciengzgeiz youq aen ciengz neix guh hong haenx miz 20 lai vunz, ndwen ngaenzhong 1500—3000 maenz；guh honglaemzseiz haenx miz 80 lai vunz, gyoengq vunz neix moix ngoenz ngaenzhong 100 maenz.

(Fuz Lungzgyangz/符龙强)