● Geij bi neix daeuj, Dunghlanz Yen gij canjnieb youzcaz daegsaek conzdungj hwngfat riengjvaiq, baenz gij canjnieb youqgaenj vunzlai laisou baenz miz. Seizneix, daengx yienh dajndaem youz- caz 20.9 fanh moux, bi 2018 dajndaem moq 4.6 fanh moux. Daengx yienh miz cangj gyagoeng youzcaz 20 aen, aen hozcozse ciennieb 10 aen, cungjcanjciz mauhgvaq 2 ik maenz, daiqdoengh 2.5 fanh ranz nungzhoh camgya hwngfat canjnieb youzcaz, cwgoemq daengx yienh ranzgungzhoj 4196 ranz 17826 boux.

(Loz Yungjdi)

●Bineix, Laizbinh Si Hinghbinh Gih gaenjndaet hopheux gij hwngfat lohnaemj “gohgi hwng nonsei、gonengz- nuengx nonsei vut gungz、boux ciengx nonsei laisou”, haenq- rengz hwngfat dajndaem gonengznuengx ciengx nonsei. Seizneix, aen gih neix suen gonengznuengx mienhcik daengz 4.3 fanh moux, ranz dajndaem gonengznuengx ciengx nonsei daih’iek 3 fanh lai ranz, dajndaem gonengz- nuengx ciengx nonsei youq mwh vut gungz gunggeng fatok cozyung youqgaenj.

(Banz Sezboh)

●Mboengqneix, Nazboh Yen haiguh aen hozdung vwnzva bangfuz soengq heiq roengz mbanj angqhoh Gvangjsih Bouxcuengh Sw- cigih laebbaenz 60 hopbi, cujciz aen doih vwnzyi ndaw yienh bae daengz gak yanghcin mbanj guh vwnzyi yienjok, caemhcaiq senhconz bangfuz cwngcwz, ndaej daengz vunzlai angqcoux.

(Linz Yungzsenh)

●Ndwen 11 ngoenz 24 banhaemh, Lozyez Yen banh aen vanjvei vwnzyi angqhoh Swcigih laebbaenz 60 hopbi, yungh gij cezmuz cauhnduj gig miz daegsaek neix daj lai aen gakdoh fanjyingj gij bienqvaq hungloet Lozyez geij bi neix daeuj, cungfaen langhbaij le Lozyez geij bi neix daeuj ginghci ndawbiengz caeuq gak hangh saehnieb aeundaej cingzcik lailai.

(Loz Lanz Lij Veij)