Ndwen 11 ngoenz 28， youz Cungguek Minzcuz Yijvwnz Fanhyizgiz cawjbanh， Gvangjsih Minzcunghveij、Gvangjsih Gyauyuzdingh bangbanh，aen hoih fatbouh gaiq yonjgen gangj Vahcuengh ok Vahgun gangj Vahgun ok Sawcuengh Cungguek Minzcuz Yijvwnz Fanhyizgiz youq Nanzningz ciuhai. Gyoengq bouxdaeuz caeuq gyoengq lauxhangz Sawcuengh daj Guekgya Minzveij Gohgyauswh、 Yinz- swswh、 Yizcingz Cunghsinh， caeuq- lienz Aen Banswcu Gvangjsih cap youq Baekging、 Gvangjsih Minz- cunghveij、 Gvangjsih Gyauyuzdingh、 Gvangjsih Difanghci Bangunghsiz、 Gvangjsih Dayoz、 Gvangjsih Minzcuz Dayoz、 Gvangjsih Swhfan Yozyen、 Gvangjsih Minzcuz Swhfan Yozyen、 Gvangjsih Sawcuengh Yozyau、 Gvangjsih Minzcuz Gujcizban、 Gvangjsih Minzcuz Cuzbanjse、 Gvangjsih Minzcuz Bause、 Gvangjsih Sam Nyied Sam Cazcise、 Gvangjsih Yinzminz Gvangjbo Dendaiz、 Gvangj- sih Densidaiz、 Nanzningz Si Vujmingz Gih Gvangjbo Densidaiz daengj mizgven bumwnz caeuq danhvei daeuj haenx nem gij hagseng hag aen conhyez Cuengh Gun song vah mizgven gauhyau gaenh 200 vunz daengz hoih caeuqfaenh fatbouh.

Aen hoih neix baijok le doenghgij fanhoiz yonjgen Cungguek Minzcuz Yijvwnz Fanhyizgiz gag guhcawj yenzgiu haifat， lumjbaenz aen hidungj cinwngz fanhoiz Gun Cuengh/Cuengh Gun、 aen hidungj nyinh gij sing- yaem Vahcuengh、 gaiq yonjgen gangj Vahcuengh ok Vahgun gangj Vahgun ok Sawcuengh、 vahyaem cienjraiz doeng (Cuengh Gun) 、 gij banhfap gangj Vahcuengh ok Sawcuengh daengj. (Sojmiz yonjgen gwnzneix gangj haenx cungj ndaej hwnj aen vangjcan “http://www. mzywfy. org.cn/download.jsp” bae aeu daeuj cang yungh.） Doenghgij fanhoiz yonjgen neix yaek hawj Sawcuengh bangungh swdungva、 cihsaw Cuengh Gun dox- hoiz、 saedseiz vahyaem fanhoiz、 cazcam haeddoiq、 cingjleix sawgeq daengj engq miz yauliz、 cizlieng engq ndei. Daegbied dwg gaiq yonjgen gangj Vahcuengh ok Vahgun gangj Vahgun ok Sawcuengh baez neix cungdenj doi ok de， hawj gihgi rox guh mizsing doiq gangj， coglaeng guh hong couh mbouj dwgrengz baenzlai， hong hix guh ndaej engq lai， doiq gyoengq ganbu roengz mbanj guh hong bang gungz、 doiq beksingq guh hong gvaq ndwenngoenz hix ndaej bangrengz haujlai.

Haihoih mwhde，gyoengq laux- hangz caeuqfaenh haihoih youqciengz yawj le yonjgen yaugoj yenjsi caemh- caiq caenndang hwnj bae doengh fwngz doengh bak， sawq le cungj haenh naeuz， gaiq yonjgen gangj Vahcuengh ok Vahgun gangj Vahgun ok Sawcuengh、 aen hidungj cinwngz fanhoiz Gun Cuengh/Cuengh Gun daengj yonjgen hoiz ndaej ndei raix- caix、 hoiz ndaej vaiq raixcaix， sawjyungh hwnjdaeuj hix gig fueng- bienh. （Cungguek Minzcuz Yij- vwnz Fanhyizgiz hawjgauj）