● Ndwen 11 ngoenz 17, Aen Duenz Heiqcuengh Baihbaek “Ndei Ha” Davaz Minzcuz Hagdangz Baksaek Si laebbaenz. Hagdangz cingj canghheiq Heiqcuengh ndawbiengz bae daengz hag- dangz son hagseng ciengq Heiqcuengh. Mbat ciengq Heiqcuengh hozdung neix, hawj gyoengq hagseng rox daengz swnjcienz vwnzva minzcuz gig miz yiyi youq- gaenj.

（Vangz Yungjloz）

● Vih angqhoh Swcigih laebbaenz 60 hopbi, hawj gij ndwenngoenz vwnzva vunzlai hoenghhwd, caux ok gij heiqfaenh vwnzva angqhoh nauhyied, mboengqneix, Denzyangz Yen cujciz doih- vwnzyi bae lajmbanj haiguh yienj heiq hawj beksingq yawj hozdung, hozdung dawz gij vwnzyi cezmuz vunzlai haengj dingq gyaez yawj haenx soengq daengz henzgyawj beksingq, saedyienh vwnzyi vih beksingq、vwnzyi leih beksingq daengj moegbiu, ndaej daengz vunzlai angq- coux caeuq haenhndei.

(Vangz Gozsun)

● Ndwen 11 ngoenz 24, Laizbinh Si banh gaiq daih- roek lwgnyez yisuz dungxcaiz doxdax, hozdung doenggvaq langhbaij dungxcaiz、hag senhcin diemjhingz daengj hingzsik, haiguh gij hozdung saedguh vwnzmingz fungfouq lai yiengh haenx, son’gyauq gyoengq bouxcoz nyezrauh guh daengz “gaenx hag、hag dwz、rox mingzbeg、saedguh”, roengzrengz bae hengzguh sevei cujyi hwzsinh gyaciz- gvanh.

(Maj Cing)

● Ndwen 11 ngoenz 20, Siengcouh Yen Cunghbingz Cin cujciz bouxgagnyienh ganbu cizgungh haiguh fazci senhconz gyauyuz hozdung. Hozdung ngoenzhaenx, boux- gagnyienh doenggvaq gij fuengsik fat faplwd fapgvi senhconz swhliu hawj vunzlai, gvangqlangh senhconz cienz- doh gimq doeg、fanj sezgyau、dwkcawz bangvunz simnduk daengj cihsiz.

(Veiz Sezmeiz)