11 nyied 17 hauh, Ginhsiu Yauzcuz Swciyen Sanh- gyangh Yangh Gujfan Cunhveij banh gaiq daih’it ciet lijyouz vwnzva maenz, hozdung yinx hekyouz 2000 lai vunz daeuj camgya. Mbat hozdung neix miz minzcuz buhvaq langhyienj、cien vunz youq suen maenz hamz sih lai vat maenz、guh yiuzmaenz、nungzcanjbinj gig ndei langhgai、cien vunz minzcuz doxgiet ngaiz bak gya daengj hozdung.

Ciuq cam rox, Sanhgyangh Yangh baengh gak cungj iknungz cwngcwz, gaenxmaenx yinx vunzlai hwngfat maenz canjyez. Bineix, Gujfan Cunh yawj dieg dajndaem, yinxhaeuj binjcungj moq maenz “gujyauzhungz”, 120 moux maenznding angq ndaej fungsou. (Loz Haijdauh/罗海涛)