11 nyied 13 hauh, youz Dunghlanz Yen Dangjveij、Yen Yinzminz Cwngfuj cawjbanh angqhoh gaijgwz hailangh 40 hopbi nem Swcigih laebbaenz 60 hopbi “gamjaen angq haeuj seizdaih moq, giethoenx vutgungz roenloh moq” cawj- daez yienjciengq doxdax youq aen yienh neix Vwnzva Cungsim Gvangjcangz hoenghhwd gawjhengz, doxdax yienj- ciengq daengz doeklaeng le okyienh aen doih daegbied he—Ndeiloh Habciengq- duenz, aen habciengqduenz neix faen- bied yungh gij sing go doxgyaux mbouj miz buenxngodroq fuengsik ma yienj fwen Dunghlanz bonjdieg 《Raeuz Aeu Lienzhab》. Fwengo haenqnaemq yinx- vunz ndaej yienhciengz bouxyawj bek- fwngz haenhndei.

Ciuq cam rox, aen habciengqduenz neix youq bineix 10 nyied faenh youz Dunghlanz Yen Minzyijgiz yinxdaeuz laebguh, dangqnaj aen duenz neix miz 29 vunz, cujyau aeu fwengo bonjdieg guhcawj, doenggvaq daezlienh bonjdieg fwengo ceiq miz daiqbiujsingq haenx dauqcungz bienmoq cauhbaenz.

(Hanz Cez/韩 捷)