●Geij bi neix daeuj, Gungh- cwngz Yauzcuz Swciyen haenqrengz guh hong cinjcing vut gungz, beksingq hawsingz lajmbanj ndwen- ngoenz suijbingz mboujduenh daezsang, beixnuengx Yauzcuz baenz miz hwnjdaeuj, daj gwn imq daenj raeuj yiengq yiengjsouh ndwen- ngoenz “cingsaenz vwnzmingz” bienq, ciengzseiz banh mbanj caeuq mbanj doxlienz cingzngeih hozdung, youq bakdou ranz ciengqgo diuqfoux, yungh gij hingzsik diuqfoux gangjok gij cwngcwz fouqminz dangj daiq ndwenngoenz ndei daeuj hawj bek- singq Mbanjyauz haenx.

(Cwng Ciminj)

●Geij bi neix daeuj, Sihlinz Yen Cuzbez Yauzcuz Myauzcuz Yangh Bingzmuz Cunh baengh gijndei swhyenz diegbya, dawz ciengx rwi dangguh gij canjnieb youqgaenj ndawde cungj ndeu, guhbaenz “cwngfuj ngaenzcienz bangfuz、hozcozse ginghyingz、nungzhoh gveihmoz dajciengx” canjnieb hwngfat gwzgiz, doicaenh swnghcanj、gyagoeng、siugai caez guh, byaijok diuz roen canjnieb vut gungz gig miz daegsaek deihfueng ndeu.

(Vangz Cunghsiengz)

●Geij bi neix daeuj, Sanh- gyangh yungh saunenzgungh hag- dangz lajmbanj guh bingzdaiz, haenqrengz doicaenh vwnzva minz- cuz haeuj hagdangz, doenggvaq cingj canghheiq ndawbiengz bae hwnjdangz、bien yaenq cek sawson- hag ndaw hagdangz、hailaeb dangz- goq feihyiz daengj banhfap, dawz go Dungcuz、siuq Dungcuz、 dohyeh Dungcuz daengj vwnzva feihyiz yinx haeuj dangzgoq, hawj gyoengq hagseng youq mwh mbouj doengz vwnzva doxyungz、doxgyau, hag dungxcaiz doengzseiz cangqheiq majhung.

(Cinz Conhvaz)

●Geij bi neix daeuj, Cauhbingz Yen Cizgyau Cungsim yungh coicaenh couhnieb guh dazyiengq, gaenxmaenx guhndei cizyez gyauyuz gezgou caeuq baijbouh, doenggvaq gyagiengz caeuq aen giyez mbawcaz dangdieg doiqciep, hailaeb guh caz、cazyi daengj ciennieb, yungh “hagdangz giyez dox giethab” “hong hag giethab” daengj fuengsik, miz cimdoiq gungganq yiengh dingh- dan cizyez vunzcaiz, vih Cauhbingz Yen canjnieb caz cienjhingz swnggaep daezhawj ciennieb vunz- caiz baujcang.

(Liuz Feih)