Bi 2018 doxdaeuj, Vanzgyangh dangjveij cwngfuj roengzrengz saeq- sim maeuzveh caeuq banh le baenz- dauq hozdung angqhoh ngoenzciet, gonqlaeng banh le aen vanjvei lienz- vuen ndwencieng minzcuz vunznoix、sam nyied sam Bouxcuengh、ciet faenlungz Mauznanz daengj, yungh ciet cauh singseiq、yungh ciet gyau youx. Doenggvaq banh gak cungj hozdung angqhoh ngoenzciet, coi- caenh minzcuz doxgiet cinbu, rengz- rwd doidoengh gij saehnieb minzcuz daengx yienh riengjvaiq hwngfat.

It dwg yungh hozdung angqhoh ngoenzciet guh caidij, doidoengh aen yienh vwnzva minzcuz hoengh- vuengh. Doenggvaq gij hingzsik hoz- dung baenzdauq cawjdaez angqhoh ngoenzciet caeuq cienzboq yiengh- sik, laebdaeb swnjcienz caeuq fat- yiengz gij vwnzva cienzdoengj minz- cuz maenhndei, gyagiengz minzcuz doxgiet, hwnjguh aen gyaranz cing- saenz caemhmiz.

Ngeih dwg yungh hozdung angqhoh ngoenzciet guh bingzdaiz, saedyienh aen yienh minzcuz lijyouz hwng. Yungh youqndwi youzcet swnghdai lajmbanj guh cawjdaez, yungh gingjgih comzhab、lijyouz nungzyez yungzhab、swhyenz cingj- hab guh roenloh, haenqrengz doi- doengh Vanzgyangh lijyouz gviveh swnggaep、hanghmoeg swng dangj- sw、yingzsiuh ndaej hwngfat ndei, dawz raemx saw bya heu bienqbaenz byagim bya’ngaenz.

Sam dwg yungh hozdung angq- hoh ngoenzciet guh diuzsai, bang- rengz aen yienh minzcuz ginghci ak. Yungh hozdung angqhoh ngoenzciet doigvangq gaisau gij doxgaiq reihnaz miz daegsaek Vanz- gyangh, baengh gij rengzyingjyangj binjbaiz vwnzva minzcuz hozdung angqhoh ngoenzciet daiqdoengh siu- gai gij doxgaiq reihnaz miz daegsaek, bangrengz daezsang caetliengh caeuq soq siugai doxgaiq reihnaz, hawj bouxguhnaz ndaej laisou. Doengzseiz, hawj vwnzva cienz- doengj minzcuz maenhndei fat ok rengzmingh moq, baenz gij yiengh doxgaiq vwnzva moq, hawj doxgaiq vwnzva bienqbaenz huq, saedyienh gij canjnieb binjbaiz vwnzva daeg- saek minzcuz laebdaeb cangqheiq hoenghvuengh hwngfat.

(Mungz Siyiz)