● Gveilinz Si Linzgvei Gih Vangzsah Yauzcuz Yangh yungh “dangjgen+gunghswh+nungzhoh” vunqsik, daezhawj dinfwngz、ngaenzcienz bangfuz hawj nungz- hoh, ciuq dieg bae hwngfat cauhlaeb bak moux suen caz byasang、go- lingzyangh daengj gizdieg guh- yiengh canjnieb daegsaek, dajcauh gij canjnieb gwzgiz “mbanj ndeu yiengh ndeu se ndeu”.

(Suh Gingswng)

● Bi’gvaq doxdaeuj, Nanz- danh Yen hopheux dangjgen yinx- lingx hwngfat cungjdaej lohnaemj, dawz guh hung cizdij ginghci dangguh gij fwngzgaem youqgaenj ca gihcwngz、 dwk giekdaej, genhciz “soengq lwed” caeuq “cauh lwed” caemh yungh, yungh lai cungj banhfap gungganq hwngfat guh hung cizdij ginghci. Daengz ndwen 9 byai, aen yienh neix 47 aen mbanjgungzhoj gungh bued cienz 2990 fanh maenz, yawhsuenq daengz byaibi daengxcungq mbanj- gungzhoj ndaw mbanj cizdij ginghci souhaeuj bingzyaenz daengz 3 fanh maenz doxhwnj.

(Liuz Sicauh)

● Bineix daeuj, Luzcai Yen Bingzsanh Cin makgamdiengz sou ndaej lai moq, suen mak moix moux ndaej daengz 5000 goenggaen doxhwnj. Seizneix, makgamdiengz dangdieg gyaqcienz baefat moix goenggaen 3.5 maenz daengz 3.8 maenz, gyoengq boux ndaem mak yungh ngoenz dienheiq ndei, ciengj sou doenghgij mak neix. Ciuq cam rox, Bingzsanh Cin dwg Guengjsae aen cin ndaem makgamdiengz lai ndeu, miz makgam makdoengj 5.4 fanh moux.

(Lai Genveih)

● Ndwen 11 ngoenz 5, Cungz- coj Si Gyanghcouh Gih youq Sinhhoz Cin Aen Dieg Anyouq Gyaranz Hinghhoz haiguh aen hozdung guzgan giyez senj dieg banggungz beuj ranz soengq raeuj, 12 aen giyez simndei Aen Gungh- swh Mizhanh Suijniz Hungzswh Cungzcoj、 Aen Gunghswh Miz- hanh Dangzyez Dunghya Cungzcoj Guengjsae daengj giensoengq gyasei、gyadienh、doxgaiq ngoenzyungh daengj doxgaiq hawj ranzsenjdieg dieganyouq neix, gyaqcienz dij 176 fanh maenz, yungh gij hengzdoengh saedsaeh bangrengz vut gungz gunggeng.

(Cinz Vazyungz)