Mboengqneix, Aen Duenz Yienjciengq Fwencuengh Siengcouh gungh 14 boux wngqiu camgya aen hozdung “bi 2018 byaijhaeuj Ngoz- lozswh·angqhoh Cungguek Ngoz- lozswh gapgyau 69 hopbi gozci doxgyau comzyienj”, aen hozdung neix youq Ngozlozswh Fuzlahdiz- voswhdohgwz（Haijsanhveih） Si banh. Bineix dwg Cungguek Ngozlozswh gapgyau 69 hopbi, Ngozlozswh youq Fuzlahdizvoswh- dohgwz（Haijsanhveih） Si banh “bi Cungguek”, haiguh “Cungguek Ngozlozswh vwnzva caez doxgyau” daengj baenzdauq hozdung, yungh neix demgya gij cingzngeih Cung- guek Ngozlozswh caeuq doxsaenq canloz. Ndaej daengz Aen Lenz- hozvei Cuzcin Yisuz Vwnzva Cungh- vaz Guekgya iucingj, Aen Duenz Yienjciengq Fwencuengh Siengcouh riengz duenz guek raeuz camgya yienjok.

Baez neix bouxyienj Aen Duenz Yienjciengq Fwencuengh Siengcouh cungj dwg gyoengqvunz ndawbiengz, gyoengqde saeqsim genjleh 8 hot Fwencuengh yienjciengq, cungfaen langhbaij le gij Fwencuengh conz- dungj yinx vunz, ndaej daengz bouxyawj haenhndei, bingz ndaej ciengjdoengz. Neix dwg Fwen- cuengh Siengcouh baez nduj byaijok douguek、baez nduj byaijhwnj aen daizheiq seiqgyaiq, langhbaij gij minzcuz fungcingz lai cungj lai yiengh Cungguek hawj seiqgyaiq yawj, neix vih coglaeng engq ndei vatcimh baujhoh caeuq hwngfat cauhmoq gij vwnzva minzcuz conz- dungj maenhndei haigvangq loh- naemj moq.

(Couh Yajyi/周雅玉)