●Ndwen 10 ngoenz 27 daengz 28, Laizbinh Si Gigungh Hagdangz bae daengz Vujsenh Yen Luzsinh Cin Diyouj Cunh haiguh son’gyauq dinfwngz dajcawj. Ciuq cam rox, son- gyauq faen miz dangz lijlun caeuq dangz hengz guh, 20 lai boux bouxhag ndaej son’gyauq. Doenggvaq son’gyauq, vunz- mbanj rox le di dinfwngz, ndaej bang gyalai souhaeuj.

(Vangz Lili)

●Ndwen 10 ngoenz 28 banhaemh, Ginhsiu Yauzcuz Swciyen banh aen hozdung “angqhoh Swcigih laebbaenz 60 hopbi caeuq Ginhsiu gaiq daihcib vwnzyi comzyienj”. Baez comzyienj neix doenggvaq diuqfoux、go、gyonglaz gag yienj daengj vwnzyi cezmuz gig miz minzcuz daegsaek neix, langh- baij gij cingsaenz yienghsiengq ndei gak cuz beksingq aen yienh neix doxgiet haenqguh、gaenxmaenx doxhwnj, fanjyingj le gij yienghndei Swcigih laebbaenz 60 bi doxdaeuj, aen yienh neix ginghci riengjvaiq hwngfat、ndawbiengz huzndei onjdingh、minzcuz doxgiet cinbu、beksingq youq onj youq ndei.

(Hij Dunghdungh)

●Ndwen 11 ngoenz 2, Ningzmingz Yen youq yienh- singz Gaidwzvaz banh aen hoih ciu vunz lijyouz banggungz seizdoeng, aen hoih cawjdaez dwg “lijyouz banggungz, soengq ok simndei”, miz Aen Gungh- swh Lijdouz Ningzmingz Yen、Aen Gunghswh Mizhanh Vwnz- va Lijyouz Byaraiz Cunghlij、Aen Diemqlaeuj Hung Mingz- duh daengj 8 aen giyez 200 aen gangjvei mizgven lijyouz haenx yiengq ndawbiengz ciu vunz.

(Lij Siengz)

●Ndwen 10 ngoenz 27, Fuzsuih Yen youq Dieg Lijyouz Youqndwi Gvaq Ngoenzgyaj Lungzgujvanh banh Fuzsuih Yen bi 2018 gijgwn ndei daegsaek doxdax, soengq donq ngaiz miz saek、hom、feih, caemhcaiq gig miz daegsaek bonjdieg Fuzsuih hawj boux- hek. Hozdung yinx ndaej geij cien bouxhek daengz dieg yawj doxdax, cimz gijgwn ndei.

(Vangz Vwnzcing)