Ndwen 11 ngoenz 3 banhaet, Majsanh ciet gijgwn ndei lijyouz vwnzva gaiq daihcibngeih youq Majsanh Yen Veiguj Gvangjcangz haimuq, neix hauh’ok bi 2018 Maj- sanh Yen “sam doxdax ciet ndeu” cingqsik hainduj, hawj gyoengq boux camgya doxdax rog guek ndaw guek、bouxhek caeuq vunzlai dangdieg ndaej gvaqyinx mbat moq.

Baez hozdung neix youz Cungh- gung Majsanh Yen Veijyenzvei、Maj- sanh Yen Yinzminz Cwngfuj caeuq Namzningz Si Lijyouz Fazcanj Veij- yenzvei、Namzningz Si Vwnzva Sinh- vwnz Cuzbanj Gvangjdengiz、Namz- ningz Si Dijyuzgiz doengzcaez banh. Hozdung muzdiz dwg yungh dijyuz doxdax guh seizgei, caenh’itbouh gungganq cauhguh gozci、daengx guek dijyuz doxdax caeuq gij binjbaiz angqhoh ngoenzciet daegsaek cienz- doengj deihfueng, coicaenh “dijyuz+lijyouz”“dijyuz+vwnzva”“dijyuz+banggungz” daengj dieg ndaej dox- yungz doxhab, bang doi Majsanh Yen vut gungz gunggeng caeuq gizdieg ginghci laebdaeb cangqheiq hwngfat, soengq laex hawj gaijgwz hailangh 40 hopbi caeuq Gvangjsih Bouxcuengh Swcigih laebbaenz 60 hopbi.

Majsanh Yen miz aen mingzdaeuz “dieg yiengzbyandaem Cungguek”“dieg souhlaux Cungguek” “dieg yisuz vwnzva ndawbiengz Cungguek” daengj. Bi 2007 doxdaeuj, aen yienh neix gaenq laebdaeb banh baenz 11 gaiq ciet gijgwn ndei lijyouz vwnzva, gyoebsuenq yinx ndaej 2000 lai fanh boux bouxhek ndaw guek rog guek daeuj yawjngonz youzcet. Majsanh Yen baengh gij swhyenz diegbya baihrog caeuq ngoenzciet daegsaek deihfueng, cauhmoq dawz gij gezcwz baijbouh guekgya gyavaiq hwngfat dijyuz、vwnzva、lijyouz canjnieb caeuq ciengz ciengq vut gungz gunggeng dox giethab hwnjdaeuj, cugyamq laeb ndei “Majsanh vunqsik”“dijyuz+vwnzlij+banggungz+gizdieg hwngfat”.

(Vuz Mingzgyangh)