●Mboengqneix, Denzyangz Yen mbangj yanghcin hwnghwnj gij hozdung senhgyangj fwen, gyoengq boux senhgyangj yungh gij cingz vunzlai gyaez fwen daegbied neix, baengh aen bingzdaiz gyangjsizsoj seizdaih moq, doenggvaq gij hingzsik senhgyangj fwen, aeu gij cingsaenz Cibgouj Daih dangj、lajmbanj saenqhwng canloz、dinfwngz dajndaem dajciengx daengj cihsiz soengq daengz mbanjbya、soengq daengz laj- mbanj.

(Suh Siujmei)

●Youq mwh guhhong dieg wnq senjyouq banggungz, Sanh- gyangh Dungcuz Swciyen mboujduenh gyagiengz hwnjguh gak hangh giekdaej sezsih dieganyouq senjdieg, haenqrengz gaijgez gij vwndiz ranzsenjdieg couhnieb caeuq lwgnyez hwnj- hag, baujmaenh ranzsenjdieg banggungz bae dieg wnq buen ndaej ok、youq ndaej onj、ndaej couhnieb、miz baujcang.

(Vuz Lenyinh)

●Mboengqneix, Nanzdanh Nungzyezgiz youq Bazhih Yauz- cuz Yangh Lizau Cunh banh son’gyauq dinfwngz dajndaem maenznding yiengh gijgwn singjsien canjnieb banggungz, 20 lai boux ranzgungzhoj dajndaem maenznding aen cunh neix camgya son’gyauq. Bouxgisuz- yenz aen giz neix ciengzsaeq gangjgej、guhyiengh gij dinfwngz dajndaem maenznding hawj ranzgungzhoj, caemhcaiq cung- denj son’gyauq gij dinfwngz guenjleix doenghnaz seizneix, lij fat 750 goenggaen fuzhozfeiz hawj ranzgungzhoj dem.

(Linz Lifungh)

●Ndwen 10 ngoenz 15 daengz ngoenz 17, aen canh- fangjdonz Daizvanh Vahlenz Yen Cozhih Yangh Daibingz Siujyoz gungh 34 boux daengz Cungzcoj Si canhfangj, caemhcaiq caeuq Gvangjsih Minzcuz Swhfan Yoz- yen Fusuz Siujyoz、Dasinh Yen Leizbingz Cin Cungsim Siujyoz song aen hagdangz neix haiguh doxgyau hozdung. Song mbiengj doenggvaq vwnzyi biujyienj daengj hingzsik, cungfaen langhbaij gij cingzngeih naekna beixnuengx song hamq haijyaz.

(Bangz Veidingz)