Ndwen 10 ngoenz 20 banhaet, Hozciz Si Dava Yauzcuz Swciyen banh aen hoihhung angqhoh swciyen laebbaenz 30 hopbi. Beksingq gak cuz dangdieg caeuq bouxhek gak hangz gak nieb ndawbiengz doxcomz giz ndeu, ciengqgo diuqfoux, langh- baij gij cingzcik hwngfat hwnjguh ginghci Dava caeuq daegsaek minzcuz fungcingz.

Dava Yauzcuz Swciyen bi 1988 ndwen 10 laebbaenz, youq Gvangjsih baihgyang bien saebaek duenhgyang Dahraemxhoengz, dwg aen yienh cungdenj guekgya seizgeiz moq bang- fuz haifat, aen yienh neix comz “laux、noix、bya、gungz、fai” youq itheij. Dava dwg dieg gwzming laujgih、dieg minzcuz vunznoix comzyouq、dieg aenfai camhsuijden, hix dwg dieg vwnzva Yauzcuz seiqgyaiq、dieg yawjngonz rin Cungguek、dieg gyaeu- nanz Cungguek、dieg gijgwn saekloeg Cungguek.

Ngoenzhaenx, beksingq gak cuz ndang daenj buhvaq minzcuz youq Dava Gyanghbinh Vwnzva Gvangj- cangz camgya aen hoihhung angqhoh. Dava laebbaenz 30 hopbi gvangjcangz vwnzyi yienjok gungh miz 《Dahmeh Gienjfoedfoed》《Mbanjyauz Fuksouh Gyaeundei》《Haenqguh Dava Moq》 sam bouhfaenh, 《Cienzgangj Miz- lozdoz》《Fwen Riu Laeuj》《Dava Cienzgeiz》 caeuq langhbaij buhvaq minzcuz daengj daegsaek minzsuz cezmuz doxlwnz hwnj daiz biujyienj.

Youq mwh yienhgingq, Dava lij banh aen canjlanj gij cingzcik swciyen laebbaenz 30 hopbi、aen hoih yenzdauj yozsuz vwnzva Yauzcuz Cungguek、aen vanjvei cawjdaez vwnzyi daengj baenzdauq hozdung dem.

(Yangz Ciyungz Vangz Yenmeiz)