●Ndwen 9 ngoenz 28, Loz- cwngz Mulaujcuz Swciyen Vwnzva Gvangjden Sinhvwnz Cuzbanj Dij- yuzgiz caeuq Dunghmwnz Cin Dangjveij、Cwngfuj lienzhab banh aen vanjvei vwnzyi cawjdaez dwg “angqcoux guekgingq hohfuk guekcoj”, vunzlai gak cuz mbanj- bya Mulauj doxcomz giz ndeu, ciengqgo diuqfoux, langhbaij gij cingzcik moq caeuq saeh ndei vunz ndei gaijgwz hailangh doxdaeuj caeuq Swcigih laebbaenz 60 hopbi haenx.

(Mungz Cwnghswh Vuz Haijlinz)

●Ndwen 10 ngoenz 5, Ginhsiu Yauzcuz Swciyen banh “Cungguek Ginhsiu·Cazsanhyauz ‘ciet goengdaek’” baenzdauq hozdung. Ca mbouj geijlai 2000 boux vunzlai Cazsanhyauz daj Lozmung Cunh、Ginhdenz Cunh、Sanhhoz Cunh daengj daengx yienh gak yanghcin 17 aen cunhveij daeuj haenx, ndang daenj buhvaq moqsag youq gai yienh- singz cunzyouz, doengzcaez hoh fungsou, angqgvaq “ciet goeng- daek”, langhbaij gij vwnzva Yauz- cuz huzndei baenaj、ronghsag lai yiengh.

(Cinz Haijcingh)

●Bineix doxdaeuj, Laizbinh Si Hinghbinh Gih Liengzdangz Yangh sonyinx nungzhoh haenq- rengz hwngfat daegsaek canjnieb, ndaem duhheu daih’iek 1000 moux. Seizneix, duhheu baenz lo, moix moux song miuz sou ndaej 5000 lai goenggaen, ciuq seizneix hawciengz gyaqbaefat moix goeng- gaen 4.6 maenz ngaenz suenq, bi moix moux ndaej 2.3 fanh maenz ngaenz, ndaej hawj nungz- hoh laisou baenz miz.

(Veiz Yungjmingz)

●Geij bi neix daeuj, Bingzgoj Yen genhciz hopheux “yienh ndeu yiengh ndei” guh faenzcieng, mboujduenh guh hung daegsaek canjnieb, saedyienh gij nungzyez ginghci youq laj ndoeng ciengx gaeq guh cujdauj haenx, daengz bi 2018 ndwen 7, daengx yienh gyoebsuenq dieg comz youq laj ndoeng ciengx gaeq miz 117 aen, youq laj ndoeng ciengx gaeq bi baenz gai daengz 3500 fanh duz, gyaqcienz dij 12 ik maenz doxhwnj, nungzhoh camgya youq laj ndoeng ciengx gaeq, moix ranz bi bingzyaenz souhaeuj 5 fanh maenz doxhwnj.

(Vangz Ginhsi)