●Geij bi neix daeuj, Sanhgyangh Dungcuz Sw- ciyen haenqrengz doicaenh hwnjguh bangfuz “suennaz iq”, doenggvaq riuzcienj diegnamh、nungz lij dox- yungz、dinghdan bangfuz daengj banhfap, youq henzgyawj dieg anceiq senj ranz bangfuz hwnjguh dieg “suennaz iq” ndaem mak byaek, hawj ranzgungzhoj senj daeuj haenx youq bakdou ranz couhnieb, yinx bouxhek daeuj daejniemh youzcet, bangrengz ranz senj daeuj youq haenx onjdingh ndaej laisou vut gungz.

(Gungh Bujgangh)

●Geij bi neix daeuj, Yungzanh Yen giethab diegbya dangdieg sonyinx vunzlai gungzhoj hwngfat ndaem gosangh ciengx nonsei, doenggvaq “gungh- swh+gihdi+hozcozse+ranzgungzhoj” ginghyingz vunqsik, gunghswh caeuq ranzgungzhoj ciemdingh baujgyaq soucawx hab- doengz, baujmaenh boux- guhnaz miz souhaeuj onj- dingh, coicaenh vunzlai gungzhoj laisou baenz miz, saedyienh vut gungz.

(Danz Gaijhingh)

●Ndwen 9 ngoenz 20, Denhdwngj Yen Vwnz- mingzban、Gungcinghdonz Denhdwngj Yen Veijyenzvei daengj danhvei, cujciz bouxgagnyienh、bouxsim- ndei ndawbiengz bae aen hagdangz daegbied gyauyuz aen yienh neix haiguh bi 2018 Denhdwngj Yen “cingz raeuj bet nyied cibngux·gagnyienh caemh byaij” gvansim lwgnyez daegbied gagnyienh fugsaeh hozdung, soengq gij hohfuk bae hawj gyoengq lwgnyez.

(Loz Genbingz)