（ciep geiz gonq）

Gvaq song ndwen le ngoenz ndeu, duzroeg iq dauqdaej caiq ndaej mbin lo. De yaek ok ndoengfaex seiz, gatlaeng yawj Genj·Swnh baez ndeu, couh saet hwnj gwnz daizcueng yaek deuzbae. Genj·Swnh gyaep de hemq naeuz:“Duzroeg mwngz gaej deuz! Gij sieng mwngz lij caengz ndei ne!” Hoeng duzroeg di cungj mbouj yaemhywx mbe fwed mbin deuz lo, louz Genj·Swnh gadog gag youq.

Sam

Duzroeg mbin deuz le, daeuj- daengz laj roq gokgai gwnz haw douh youq. De seiz mbouj seiz louzsim yawjrangrang benq ndoengfaex haenx, siengj daengz Genj·Swnh ciuqgoq swhgeij gij saeh baenz di baenz di haenx. Doeklaeng, de gietdingh baema caiq yawjyawj. De mbin daengz gwnz daizcueng ranzfaex iq, dinghnaenae yawj Genj·Swnh ndaw ranz.“Duz- roeg!” Genj·Swnh ngiengx gyaeuj raen de, “mwngz dingq gou naeuz, gou rox mwngz hozgaek gou, hoeng mwngz cix mbouj rox saehsaed!” Duzroeg ngaekngaek gyaeuj, yaepda de laeb- daeb gangj roengzbae.“Gizsaed dwg yienghneix, ngoenz de haemhhaenx, miz geij boux bouxraemjfaex daeuj daengz gizneix, siengj gawq go faex mwngz youq haenx, gou bae laengz gyoengqde mbouj hawj gawq, doxceng seiz, gyoengqde ndek gyaeujien haeuj cazfaex bae, deng feiz coemh lo. Dou sawq bae gat gij feizmbaw haenx, hoeng feiz coemh gonq nyefaex daemx aen ranz haenx lo. Mwngz doek roengz gwnz nywj daeuj, gwnz ndang hix dawz feiz, dwg gou aeu sujbaq mbaeq goemq hwnj gwnz ndang mwngz, cij gouq ndaej mwngz.”

Dingq de gangj sat, duzroeg iq itseiz hix mbouj miz vah gangj. Dangyienz, de yawjraen go faex coemh remj haenx gaenq deng gawq dingz ndeu lo, lij raen aen rongzroeg doek youq giz mbouj gyae haenx. De miz di najnding lo, vih swhgeij moegloet caeuq cungdoengh. De mbin hwnj- daeuj, mbin daengz gwnz fwngz Genj·Swnh bae, caemhcaiq aeu bak dot- digdig fajfwngz de. Yienznaeuz duz- roeg iq gijmaz cungj mbouj gangj, hoeng Genj·Swnh rox gij eiqsei de, song de dauq doxndei lo.

Daj baezneix, youq ndaw ngoengfaex mwncup, ndaw gan ranzfaex iq haenx youh cienz daeuj gij sing angqriu gege lo.

(Dungz Vanjdingz raiz；Goeng- gen hoiz)