●9 nyied 11 hauh, Cungzcoj Si Gyanghcouh Gih Minzcunghgiz daengz Banhleih Siujyoz banh Bouxcuengh canghfwen iq beizyinbanh, cingj fwen- vuengz ndaw si Veiz Cilenz son hagseng ciengq go Vahcuengh “Go Gingq- hek”、 “Go Soengqhek” caeuq “gou dwg canghfwen iq Bouxcuengh” daengj. Gyoengq siuj hagseng doiq hozdung gig mizyinx, gungh miz 70 lai boux camgya beizyin.

(Veiz Veigenh/韦慧娟)

●Cauhbingz Yen ca ndei hongsaeh mbawcaz doihaeuj cingcinj ruzgungz, doenggvaq baenz doengh lienzbenq dajndaem, ciuq biucinj saeqsim guenjleix, caenh dwk bwnhranz mbouj byoqyw, hawj suencaz hwngfat ndaej vaiq youh ndei, seizneix daengx yienh miz suencaz 21.5 fanh moux, bi’gvaq cungjcanj- lieng 1.16 fanh dun, souh- aeuj 12.68 ik maenz, hawj vunzlai diegbya ndaej dem- sou. (Liuz Feih)

●Lungzswng Gak Cuz Swciyen Lozgyangh Yangh doengh bi neix daeuj gyarengz hwngfat hongsaeh ndaemganq makgam, daengx yangh ndaem gak cungj makgam 13000 lai moux, bi souhaeuj 7000 fanh maenz, hawj vunzlai dangdieg ndaej demsou. Mboengqneix vunzlai nyaengqnyat dwk mbaetsou makgam baenz caeux gai ok rog yienh bae.

(Vuz Swnghbinh)

●9 nyied 14 hauh, youq capmbanj cijdaujyenz yien sienq dap giuz lajde, gyoengq ganbu Liujcouh Si Vanzging Veiswngh Gvanj- lijcu bae daengz Liujcwngz Yen Douzdangz Cunh, ok gij gyaqcienz bengz gvaq gyaq- cienz gwnzhaw 2 maenz/goenggaen haenx soucawx gij haeuxsan youhciz ndaw mbanj doxngaeu bangruz haenx gungh 15 dun, hawj cunh cizdij ginghci aen mbanj neix cigciep demlai souhaeuj 3 fanh maenz.

(Dwng Gwzyi)